«Алтын белгі» иегерлері үш айдан бері сыйлықтарын ала алмай жүр

Сонда олар қашықтан қалай оқымақ?

Мариям МАҚСАТ

06.09.2020, 05:04

582

Биыл Павлодар облысында 118 мектеп түлегі «Алтын белгі» иегері атанды. Жергілікті әкімдіктер оларға қаржылай сыйақы мен гаджеттерді тарту етті. Алайда, Шарбақты ауданындағы 11 бірдей оқу озаты мұндай сыйдан қағылып отыр. Неге?

Мектеп түлектерінің айтуынша, 3 маусым күні «Алтын белгі» иегерлеріне ноутбук алуға сертификаттар үлестірілген. Бірақ техниканың өзі әлі күнге дейін жастардың қолына жетпеді.

«Жоғары оқу орындарындағы сабақтардың қашықтан жүргізілетіні белгілі. Біз әкімдік беруі тиіс сыйлыққа сеніп, ноутбук, компьютерлер алған жоқпыз. Енді университеттегі сабақтарымызды қалай оқуымыз керек? Телефон арқылы ма? Сұраудың өзі ыңғайсыз, бірақ уәде еткен сыйлықты беретін кез келген сияқты. Бір емес, бақандай үш ай өтті ғой», — деп түлектер әлеуметтік желілерде пікірлерін ашына жазды.

Бұған қатысты Шарбақты аудандық білім беру бөлімінің басшысы Маралбек Итемгенов мынадай түсініктеме берді:

«Биыл аудан мектептерінің 11 түлегі «Алтын белгі», 6 оқушысы «Үздік аттестатпен» оқуды тәмамдап, оларды ынталандыру мақсатында аудандық бюджеттен 1,5 млн теңге бөлінді. Мемлекеттік сатып алулар арқылы 4 маусымда ноутбуктер мен планшеттер сатып алуға өтініштер берілді. 13 шілдеде «Үздік аттестат» алған алты түлекке планшеттерді табыстадық. Ал ноутбукқа қатысты өткен екі бірдей мемлекеттік сатып алу конкурсы нәтижесіз аяқталды. Біріншісінде қатысуға ниеттілер болмаса, екінші конкурста компания біздің талаптарға сай емес техниканы ұсынды. Сондықтан үшінші рет мемлекеттік сатып алулар конкурсын жариялауға тура келді. Жақын күндері «Tender Generation» ЖШС ноутбуктерді жеткізеді. Осындай олқылық үшін мектеп бітірушілер мен ата-аналарынан кешірім сұраймыз».  

Ал оған дейін студент атанып үлгерген шарбақтылық түлектерге қашықтан алатын жоғары білімді телефон арқылы ғана алуға тура келеді.

Тегтер:

ҰҚСАС ЖАҢАЛЫҚТАР

Қарлығаш ЗАРЫҚҚАНҚЫЗЫ 08:53
Сағынтаев Маминнен Шымбұлақты сұрап жүр
Сайт әкімшілігі 26.07.2021, 14:54
Нұр-Сұлтанда жаңа қаулы күшіне енді
Сайт әкімшілігі 26.07.2021, 09:15
Қазақстанда COVID-19 жұқтырудың 6 637 жағдайы тіркелді
Тоқтар ҒАБДРЕШҰЛЫ 23.07.2021, 14:17
Бал татыған балық сорпасына зар болып қалмайық
Еркежан АРЫН 23.07.2021, 11:18
Қазақстан өнімдерінің сапасы стандарт бойынша қалай артып жатыр?
Қуаныш ӘБІЛДАҚЫЗЫ 23.07.2021, 08:49
Өзге елдер вируспен, ал біз жемқорлықпен күресіп жүрміз

Аңдатпа


  • «Жас алаштағы» жасын жылдар
    15.07.2021, 10:58
  • Ташкенттен «Жас Алаш» газетінің түпнұсқасы табылды (видео)
    07.07.2021, 13:15
  • «Жас Алаш» Түркістан төрінде
    07.07.2021, 08:59
  • Жайыққа келді «Жас Алаш!»
    28.06.2021, 09:02
  • "Жас Алаштықтар" "Қазақстанның құрметті журналисі" атанды
    24.06.2021, 13:55