Алтын Орда базарында төбелескендердің үстінен қылмыстық іс қозғалды.

Сайт әкімшілігі

31.03.2021, 11:29

1716

Алматының іргесіндегі «Алтын орда» базарында 100 теңге үшін жанжал болды.

Екі азамат арасындағы жанжал автотұрақ ақысына қатысты шыққан. Қалтасында 100 теңгенің жоқтығын айтқан көлік жүргізушісі 20 мың теңге бере алатынын болмаса төлемді банк картасына ақша аудару арқылы жасай алатынын жеткізеді. Бірақ автотұрақ қызметкері аударымды қабылдай алмайтынын айтып, көлік иесінің автотұрақтан шығуын өтінеді. Осы сәтте тұрақ қызметкерінің сөйлеу мәнері ұнамаған жүргізуші көліктен түседі.

Ары қарай сөзге келіспей қалған азаматтар арасында жанжал туындайды. Жазбаға көлік қожайынына қызметкердің пышақ ала жүгірген сәті мен жүргізушінің автотұрақта жұмыс істейтін азаматты жағасынан алып, басымен ұрған кезі түсіп қалған. Артынша базарға келген адам көлігіне отырып, оқиға орнынан кетуге әрекеттенеді.

Осы сәтте базардағылар көліктің кетуіне кедергі жасауға тырысады. Істің насырға шапқаны сонша, қазір осы кикілжіңге қатысты қылмыстық іс қозғалды.

«Аталған дерек әлеуметтік желілерге мониторинг жүргізу барысында анықталды. Оқиға орнына Қарасай аудандық ПБ жедел-тергеу тобы шықты. Дерек сотқа дейінгі тергеудің бірыңғай тізіліміне тіркеліп, ҚР ҚК 293-бабы 2-бөлігінің 1-тармағы «Бұзақылық» бойынша қылмыстық іс қозғалды. Қазіргі уақытта бейнежазбаның барлық қатысушылары анықталды. Қылмыстық іс бойынша тергеу барысында екі тараптан да жауап алынатын болады. Сотқа дейінгі тергеп-тексеру барысында оқыс оқиғаның барлық фактілері, себептері мен мән-жайлары анықталады. Тергеу нәтижелері бойынша процессуалдық шешім қабылданатын болады»,- деп мәлімдеді Алматы облыстық Полиция департаменті баспасөз қызметінен.

Тегтер: оқиға бұзақылық төбелес жанжал полиция

ҰҚСАС ЖАҢАЛЫҚТАР

Нұрболат ӘЛДИБЕК 11:01
«Жас Алаштың» 100 жылдығы Жамбылда жалғасты
Қуаныш ӘБІЛДАҚЫЗЫ 09:25
«Естімейтін үкімет» пен екпеге сенбейтін халық
Сайт әкімшілігі 02.08.2021, 14:30
Қазақстандықтар қаржы пирамидаларына 21 миллиард теңге салған
Сайт әкімшілігі 02.08.2021, 12:04
Жаңа оқу жылы онлайн бола ма, офлайн бола ма?!
Сайт әкімшілігі 02.08.2021, 09:19
Қапшағайда демалысқа уақытша тыйым салынды
Сайт әкімшілігі 02.08.2021, 09:12
Бес қалада жаңа шектеулер күшіне енді

Аңдатпа


  • «Жас Алаштың» 100 жылдығы Жамбылда жалғасты
    11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58