Ақсақалов басқаратын облыс ақсақалдарға толып кетіпті

03.10.2018, 19:20

188

Осы аптада өткен үкімет отырысында еліміздегі денсаулық сақтаудың қазіргі мәселелері мен медициналық көмек көрсету сапасын арттыру жайы қаралды. Бақытжан САҒЫНТАЕВ, премьер-министр: — Әрине, денсаулық сақтау саласында көптеген көрсеткіштер бойынша жетістіктер бар. Сәби өлімі, қан айналысы жүйесінен қайтыс болғандардың азаюы, қатерлі ісік, туберкулез көрсеткіштері төмендеген. Дегенменде 7 айдың қорытындысы бойынша өлім-жітімнің көрсеткіші 1000 адамға шаққанда - 7,35. Бұл бойынша 7 өңірдің көрсеткіші республикалық көрсеткіштен жоғары. Олар: Ақмола, Батыс Қазақстан, Қарағанды, Қостанай, Павлодар, Солтүстік Қазақстан және Шығыс Қазақстан облыстары. Ана өлімі бойынша тағы да 7 өңірдің көрсеткіші жоғары. Ақмола, Қарағанды, Қызылорда, Маңғыстау, СҚО, ШҚО және Астана қаласы.Денсаулық сақтау саласы бойынша 7 көрсеткішті орындай алмаған Солтүстік Қазақстан облысында өлім-жітім көбейген. Облыс әкімі Құмар АҚСАҚАЛОВ мұның себебін өңірде қарттардың көбейіп кеткендігінен көреді. — Облыста миграция жоғары болғандықтан тұрғындардың 19 пайызы қарттарды құрайды, – дейді бұл жөнінде облыс әкімі Құмар Ақсақалов. – Республикада бұл көрсеткіш – 11 пайыз. Осы себептерге байланысты қатерлі ісік бойынша қайтыс болғандардың саны артқан. 1 ана өліміне жол берілді. 50 нәресте шетінеді. – Өлім-жітім қарттарға байланысты көбейіп кетті деп айту, орысша айтқанда «не корректно», – деп ескерту жасады үкімет жетекшісі Б. Сағынтаев. – Қазір қазақстандықтардың өмір сүру жасының ұзақтығын 73-тен асырамыз деп отырмыз. Енді кеп «қарттарымыз көп» деген сылтау жұмысқа деген көзқарастың дұрыс еместігін білдіреді.Шынында Ақсақаловтың «өңірде қарттар көп болғаннан кейін, өлім-жітім, қаза да көп» деген долбары «Сасқан үйрек артымен сүңгидінің» кері болған жоқ па? Бірақ, Солтүстікте жастардың азайып, қарттардың көбейіп бара жатқаны тағы да жасырын емес қой. Әлде Сағынтаевқа салсақ, мұндай деректер үлкен жиындарда айтылмауы тиіс пе еді… Қалай десек те, «Ауруын жасырған өледі» деген, Ақсақалов абайсызда болса да ақиқатты айтып жібергендей...Дегенменде өлім-жітімнің көбеюін қарттарға жауып қоя салып, Ақсақаловтың да арқаны кеңге салуына әсте болмайды. Бәлкім, бар мәселе – медициналық қызметтің сапасы мен кадрдың жетіспеушілігінде шығар? Өйткені үкімет отырысында Құмар Ақсақалов бұл туралы ештеңе айта алмай, бәрін сылап-сипап, әсіресе, осы тұсты алыстан айналып өтті. Соған қарағанда мақтанып айтатын да ештеңесі болмады-ау деймін...Фото: pkzsk.info
Тегтер:

ҰҚСАС ЖАҢАЛЫҚТАР

Сайт әкімшілігі 12:42
Қазақстандықтардың төлқұжатында жүрген чип не үшін керегі белгілі болды
Сайт әкімшілігі 08:44
Алматы облысында екі ауылдың көшелерін су басты
Сайт әкімшілігі 20.05.2022, 15:03
Желтоқсан оқиғасына арналған тағы бір кітап жарық көрді
Бифат ЕЛТАЕВА 20.05.2022, 08:17
Ауыл балаларына мүмкіндіктер көп қарастырылу қажет
Сайт әкімшілігі 20.05.2022, 07:51
«Сен менімен «служить» етпейсің!»
Сайт әкімшілігі 19.05.2022, 15:09
Партияның ауқымды электораты референдумды қолдауы керек – Е.Қошанов

Аңдатпа


  • Келесте 14 мал ұрлығына қатысы бар топ ұсталды
    10:30
  • Мусин міз бақпайды
    19.05.2022, 08:52
  • Сор болған стрестік активтер
    19.05.2022, 08:56
  • Балалар жылында балалар неге шеттетіледі?
    19.05.2022, 08:40
  • Қалтырауық үкімет
    18.05.2022, 06:20