Ақтөбеде балалар лагерінде діни кітаптар таратқан кім?

08.10.2019, 14:18

243

Ақтөбеде балаларды тегін лагерьге шақырып, артынан діни әдеби кітаптар таратқан ұйым іздестіріліп жатыр. Әзірге «Нұр» деп аталған лагерьдің тек жазғы мезгілде ғана жұмыс істегені анықталып отыр. Мамандар балаларға таратылған діни кітаптар "Інжілдік христиан баптистері" діни ұйымынікі болуы мүмкін деген болжам жасады. Оқиғаға қатысты жан-жақты тексеріс басталған.

Діни кітап таратылған лагерь жайлы ақпарат алғаш әлеуметтік желіде пайда болды. 6 сынып оқушысы «Балаларға арналған киелі кітап», «Киелі кітап», «Киелі кітап әңгімелері» деп аталатын әдебиеттерді жазда тегін лагерьде алғанын айтады. 

Бұдан №71 мектеп директорының міндетін атқарушы Лаура ДОСҚАЖА хабарсыз болғанын айтады. 

Ұстаздардың айтуынша қазір осы жағдайды құзырлы орындар жан жақты тексеріп жатыр. Балалардың анасынан да түсінік алынған. Алайда анасы да, балалар да лагерь туралы дұрыс, нақты ештеңе айтпай отыр дейді. Ал облыстық діни басқарма күдікке ілінген бұл ұйымның 2012 жылы ресми тіркеуден өткенін айтады.

«Біз қазір бұл діни кітаптардың қайда таратылғанын, қандай діни бірлестік бергенін анықтап жатырмыз. Білуімізше бұл діни бірлестік інжілдік христиандық баптистік ұйым. Бұл діни бірлестік 2012 жылы бізде ресми түрде тіркелген. Қазір тексеру жұмыстарын жүргізіп жатырмыз», -  дейді Ақтөбе облыстық дін істер басқармасының басшысы Әлімбек ТҰРАЛИЕВ. 

Сондай ақ, дін істер басқармасындағылар діни ұйым өкілдері  өз әдебиеттерін көшеде емес, өз ғибадатханаларында таратса ол заңға қайшы емес деп отыр. Оған қоса егер мұндай ұйымдарға  баруға  кәмелеттік жасқа толмаған балалардың ата-анасы рұқсат берген болса ол кезде де заң бойынша қудаланбайды. Алайда тексерісті енді ғана бастадық деген мамандар бұл жағдайдың бәрін бүге-шігесіне дейін тексеріп, анықтайтын боламыз деп отыр.

Фотоны автор ұсынды.

Тегтер:

ҰҚСАС ЖАҢАЛЫҚТАР

Сайт әкімшілігі 16:07
Экс премьер-министр Серік Ахметов жазасын өтеп шықты
Сайт әкімшілігі 12:00
Маминге "Алтын-Емел" және "Шарын" ұлттық саябақтарын дамыту тұжырымдасы таныстырылды
Сайт әкімшілігі 11:09
Бас санитар дәрігердің жаңа қаулысы шықты
Сайт әкімшілігі 09:51
Павлодарда киімі үшін оқушыны қорлаған мектеп директоры жазаланды
Сайт әкімшілігі 09:30
49 адам коронавирус пен пневмониядан қайтыс болды
Сайт әкімшілігі 09:20
Қазақстанда 8 облыс "қызыл" аймақта

Аңдатпа


  • Ұлт құндылығының ұлағаты
    14.09.2021, 12:30
  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39