Ақтөбеде тасқынның алдын алу үшін 190 млн теңге бөлінді

14.03.2018, 21:17

187

Ақтөбеге биыл да су тасқыны қаупі төніп тұр.  Төтенше жағдай қызметі су басу қаупі бар деген 43 ауылды айтып отыр. Ол елді мекендерде 12 мыңнан астам халық тұрады. Тасқынның алдын алу үшін бюджеттен 190 млн теңге бөлініпті. Қапшық-қапшық құмнан бастап, тікұшақ да дайын тұр екен. —  Облыста  165 гидротехникалық құрылым бар.  Оның жұмысын, жарақтылығын аудан әкімдері мен сол жергілікті жерде құрылған су тасқынына  қарсы комиссия мүшелері қадағалап отыр. Одан бөлек 21 жекеменшік су қоймасы бар. Олардың да жағдайын күнделікті  бақылауда ұстап отырмыз. Болжам бойынша, биыл наурыз айының соңғы онкүндігі мен сәуір айының екінші онкүндігінде  су тасиды.  Еріген қар суын қабылдауға біздің су қоймаларының қауқары жетеді. Бір жағынан биыл қар былтырғыға қарағанда аз түсті. Әрі күндіз  күн жылығанымен, түн салқын болады деп отыр синоптиктер,- дейді Ақтөбе облыстық төтенше жағдайлар департаментінің басшысы Бауыржан СЫЗДЫҚОВ.Өткен жылғы су тасқыны кезінде Ақтөбеде барлығы мыңға тарта үйге су кірді. 95 үй жарамыз болып қалған еді. Құтқарушыларды алаңдататын бір жайт бар. Егер толассыз жауын жауса, тура Аягөздегідей жағдай Ақтөбеде де қайталануы мүмкін. Себебі, аймақта жердің тоңы жібімей жатыр. Мұздың қалыңдығы 150 cм. Егер  Аягөздегідей тәулік бойы толассыз  жауын жауса, тоң еріп үлгермейтінін айтады мамандар. Соның кесірінен су жерге сіңбей, жауынның бәрі сай саламен ағып, ауыл-аймақты басып қала ма деген үрей де бар. Сондықтан, қазір құтқарушылар қауіпті аймақтағы үй-үйді аралап, түсіндіру жұмыстарын жүргізбекші.

Зада Зейін, Ақтөбе облысы

Фотолар автордікі

Тегтер:

ҰҚСАС ЖАҢАЛЫҚТАР

Бифат ЕЛТАЕВА 03.12.2021, 11:30
Инстаграмның жетегінде кетпейік
Сайт әкімшілігі 03.12.2021, 10:30
Халыққа бермеудің амалы ма? Зейнетақы жинағын алу: жеткілікті деңгей екі есе өседі
Сайт әкімшілігі 03.12.2021, 08:44
«Әйелдерге қатысты зорлық-зомбылықсыз 16 күн» акциясы өтуде
Сайт әкімшілігі 02.12.2021, 12:44
Kaspi.kz мобильді ақша аударымына байланысты сұрақтарға жауап береді
Сайт әкімшілігі 01.12.2021, 13:00
Шымкентте жалдамалы пәтерден 22 жасар қыздың мәйіті табылды
Айтбала СҮЛЕЙМЕНҚЫЗЫ 01.12.2021, 09:20
Қазақ-түрік лицейлерінің орнын немен толтырамыз?

Аңдатпа


  • 14 мыңнан аса сотталушы босатылады, Сенат рақымшылық заңын қабылдады
    02.12.2021, 15:50
  • Жастармен бірге тыныстайтын басылым
    30.11.2021, 18:08
  • "Жас Алашқа" жазылуды ұмытпаңыз!
    23.11.2021, 10:20
  • Қайта түлеуге қадам басқан Майқұдық
    22.11.2021, 14:03
  • «Жас Алашты» ауыл кітапханасына жаздырып бердім
    16.11.2021, 10:00