Ақын Олжас Сүлейменов атындағы аллея ашылды

26.09.2019, 11:11

239

Бүгін Алматыдағы Атакентте Олжас Сүлейменовтың атындағы аллея ашылды. Бұл туралы Жас АЛАШ сайтының тілшісі хабарлайды.
Биыл Семей полигонының жабылғанына 30 жыл толуына орай ашылып отырған аллеяның негізгі ұйымдастырушылары Экологиялық Альянс «Байтақ-Болашақ» республикалық қоғамдық бірлестігі.
«Біздің негізгі мақсатымыз әрбір қазақстандыққа бір тал отырғызу акциясын іске асыру. Сол арқылы қазақстандықтарды экологиялық мәдениетке үйрету. Алматының экологиялық жағдайы қалай екенін білесіздер. Бұны құтқаратын тек ағаш. Біздің ұлтымыздың маңдайына біткен жұлдыз ол Олжас Сүлейменов. Олжас Сүлейменов біздің экологиялық альянстың құрметті президенті. Әрбір қазақстандыққа бір тал отырғызу акциясын Олжас ағаның өзі ұсынды. Сондықтан, аллеяға ақынның атын беруді жөн көрдік,» — дейді Экологиялық Альянс «Байтақ-Болашақ» республикалық қоғамдық бірлестігінің президенті Азаматхан ӘМІРТАЕВ. 
Ал ақын Олжас Сүлейменов аллеяны «Невада-Семей» деп атауды ұсынған екен. 
«Расымен, аллея алғашқы антиядролық қозғалыстың атымен аталу керек еді. Біз „Чернобыльден“ де бұрын құрылдық. Невада-Семей барлық экологиялық қоғамның бастауы болды,» — дейді Олжас Сүлейменов. 
Сондай-ақ ұйымдастырушылар Атакент бағында тоғыз мыңдай ағаш кесіліп, орнына Конгресс-Холл сарайы салынады деп тараған ақпаратқа қатысты да пікір айтты:
«Парктің жұмыс істеп тұрғанына біраз уақыт болған. Алматының бұрынғы әкімі Бауыржан Байбек мұнда конгресс холл салғысы келіп еді. Мұндағы ағаштарды кесіп ғимарат салу деген қатыгездік қой. Өздеріңіз білесіздер, біз бұған қоғам болып қарсы тұрдық. Тоқтаттық. Қазіргі әкім де бізді қолдады. Қайта, бос орындарға тал егіп, көгалдандыру керек деп отыр. Біз „Экологиялық Альянс“ та болашақта ғимарат салғызбау үшін бар күшімізді салатын боламыз,» — деп уәдесін берді А.Әміртаев.
Азаматхан Әміртаевтың айтуынша, қоғамдық бірлестіктің бұл шарасы қала әкімі Бақытжан Сағынтаевтың 3 жылда 1 миллион ағаш акциясын қолдау мақсатында жүзеге асқан екен. «Біз алғашқылардың бірі болып әкімнің бастамасын қолға алдық» — дейді А.Әміртаев.

Айта кетейік, биыл тамыз айында Алматы қаласының әкімі Б.Сағынтаев Алматыны жасыл желекке толтыру үшін осындай шараны қолға алуды ұсынған еді. Германия, Оңтүстік Корея мен Түркияның өкілдері қатысқан ресми жиында «1 миллион ағаш егеміз деп отырмыз» деген. Сондай-ақ Алматылықтар бұл бастаманы қолдайтынына сенімді екенін, өйткені алматылықтар дәл осы экология мәселесіне келгенде өте белсенді екенін айтқан.


Фотолар автордікі.

Тегтер:

ҰҚСАС ЖАҢАЛЫҚТАР

Сайт әкімшілігі 17.01.2022, 10:30
ТЖ кезінде 68 жанармай құю станциясы зардап шекті - Алматы әкімдігі
Сайт әкімшілігі 15.01.2022, 22:02
Ө.Шөкеев: «Сайрам ауданының тәжірибесін қолдану керек"
Сайт әкімшілігі 14.01.2022, 09:02
Бір тәулікте 10 мыңнан аса COVID-19 жұқтырған
Сайт әкімшілігі 13.01.2022, 18:02
Алматыда өртенген әкімдік ғимараты тазартылып жатыр
Арайлым ЕРКЕБАЕВА 13.01.2022, 11:17
Қарағандыда жедел жәрдем дәрігерлері Президенттен көмек сұрады.
Сайт әкімшілігі 12.01.2022, 16:06
Алматыдағы бүлік суреттері мен видеоларын қайда жіберу керегі айтылды

Аңдатпа


  • "Қазақстан халқына" қорына білім беру ұйымдары ақша аударуға міндеті емес
    17.01.2022, 14:00
  • Алматы трагедиясы: Бас прокуратура қылмысты толық аша ала ма?!
    14.01.2022, 08:54
  • Сағынтаев Алматыдағы бүлік кезінде қайда болды? (видео)
    13.01.2022, 09:30
  • Эпид ахуал күрделеніп барады. Бас санитардың қаулысы жарияланды
    14.01.2022, 08:39
  • Бүліктен бизнеске келген залал 100 миллиард теңгеден асты
    13.01.2022, 09:08