Арыс қаласындағы жарылыстан көліктер аударылыпты

24.06.2019, 15:00

425

Бүгін Түркістан облысы Арыс қаласында жойқын жарылыс болды. Бұл туралы оқиға куәгері Жас АЛАШ тілшісіне айтып берді.

«Балаларды лагерге алып бара жатқан едік. Кенет жойқын жарылыстың куәгері болдық. Басында жай түтін шықты. Кейінгі жағдайды айта алмаймын. Сол жерге жақын маңдағы көліктер тіпті аударылып кетті. Автобустағы балалардың қорыққаннан аяқ-қолы сіресіп қалды». — дейді төтенше жағдайдың куәгері Ақбөпе ЕРГЕШ.

Ал, тұрғындардың үрейін ұшырған жарылысқа ІІМ Төтенше жағдайлар департаменті былай деп анықтама берген.
«Бүгін сағат 9:20 шамасында Түркістан облысы Арыс қаласында болған жарылыс туралы хабар алынды. Түркістан облысы Төтенше жағдайлар жөніндегі басқарманың 30 қызметкер мен 8 техника жұмылдырылды,» — делінген.

Тегтер:

ҰҚСАС ЖАҢАЛЫҚТАР