Әсіредіндарлық анаға ажал құштырды

14.09.2018, 19:38

301

Қыркүйектің 12-сі күні Атырау облыстық перинаталдық орталығында 25 жастағы Марта Баймұханова көз жұмды. Ол жүктіліктің 38 аптасында болған. Аталған орталықтың директоры Қуаныш Нысанбаевтың мәліметі бойынша, марқұм онда сағат 8:55-те өте ауыр, клиникалық өлім  жағдайында түседі. Бір сағат ішінде оның жүрегі үш  рет тоқтап, сағат 10:10-да қайтыс болғаны тіркелген. Ақ халаттылар қанша тырысса да әйелдің өмірін құтқарып қала алмаған.Өкінішке қарай, мұнайлы өңірде бұрын-соңды да мұндай өкінішті жағдайлар орын алған еді. Алайда, дәл осы жолы қайғылы оқиғаның жай-жапсары бірнеше тәулік бойына құпия ұсталды. Белгілі болғандай, көз жұмған келіншек салифилік бағытты ұстанған. Бір деректер бойынша, оның намазхан күйеуі «скорыйдағы» ер адамды «әйелімнің әуретті жерін қарайды»  деп кіргізбей бір сағат үйде отырған, соның салдарынан, әйелі комаға түсіп кеткен.- Ондай жағдай болған жоқ. Жедел жәрдемдегі әйел адам болды. Тек Марта үйдегі кішкентай балаларды ойлап әрі ертең керек-жарағын жинақтап, алып барайын деген оймен бармайтынын айтып, қолхат жазып берді. Ешкімге ешқандай талап-арызым жоқ, — деп қысқа қайырды марқұмның күйеуі Бектас «Жас алаш» тілшісіне берген сұхбатында.Сондай-ақ, бейресми дерек көзі М.Баймұқанованың мәйітін мәйітханаға беруде де жамағат тарапынан қарсылық болғанын жеткізеді. Бүгін оның денесі жер қойнына тапсырылды.P.S. Осы мәселеге орай, бүгін сағат 16.00-де Аймақтық коммуникация орталығы Атырау облыстық денсаулық сақтау басқармасы мен жедел медициналық көмек станциясы басшыларының қатысуымен брифинг өткізбек. Онда анықталған жайларды «Жас алаш» тілшісі қосымша хабарлайтын болады.Фото: YK-news.kz
Тегтер:

ҰҚСАС ЖАҢАЛЫҚТАР

Сайт әкімшілігі 27.05.2022, 14:23
Республикалық семинар өтеді
Сайт әкімшілігі 27.05.2022, 14:00
Қазақстан шетелдіктерге Egov арқылы ЖСН алуға тыйым салды
Қ.БАЛАБИЕВ 27.05.2022, 12:45
Конституциялық реформа жарқын болашағына бетбұрыс
Бифат ЕЛТАЕВА 26.05.2022, 14:20
Ұмыт қалған ұлттық тағамдар: дайындау әдісі
Кемел ЖАН 26.05.2022, 13:15
Жемқорлық туралы ақпарат бергендерге сыйақы бар
Сайт әкімшілігі 25.05.2022, 14:48
«2 градусқа дейін аяз болуы мүмкін»: алдағы үш күнге арналған ауа райы болжамы

Аңдатпа


  • Анамның тілі алаңдатады...
    26.05.2022, 08:40
  • «Дауылпаз ақынның» даңқы мен дақпырты
    26.05.2022, 08:38
  • Газеттер дар алдында тұр!
    26.05.2022, 08:35
  • Қазақ кредитке кіріп тұрып қуанады
    25.05.2022, 07:48
  • Қарашөкеевтің қиялы шаруалардың шамына тиіп жүр
    25.05.2022, 07:47