Астананы Назарбаевқа ауыстырмақ

10.01.2018, 19:30

555

Оңтүстік Қазақстан облыстық мәслихатының бүгін өткен сессиясында депутаттар Шымкент қаласындағы Астана даңғылын  Нұрсұлтан Назарбаев даңғылы деп қайта атау туралы ұсынысты бірауыздан қолдады.

Ұсынысты  таныстырған депутат,  мәслихаттағы тұрақты комиссияның төрағасы Өмірзақ Мелдехановтың айтқан сөзінен түсінгеніміз, америкалықтар үшін Вашингтон, орыстар үшін Бірінші Петр, түріктер үшін Ататүрік қандай болса, біз үшін Елбасы да сондай  тұлға.  Өйткені олар қиын кезеңде ту көтерген тарихи тұлғалар саналады екен.

-Назарбаев Қазақстанның символына айналғанын бәріміз де мойындаймыз,-деді депутат. Әңгіме арасында ол президенттің Алланың жердегі мейірімі түскен өкілі екендігін де баса айтты. Тәңірінің қалауымен президент болғанын да тілге тиек етті. Сөз соңында Н.Назарбаевтың Оңтүстік Қазақстан облысының дамуына тигізген қолдауының ұшан теңіз екендігіне тоқталып, президенттің «Адамға өмір бірақ рет беріледі, оны Шымкентте сүру керек» деген сөзін еске салды. Осы жерге келген кезде депутаттар ду қол шапалақ соқты.

Ұсыныс пікірталассыз бірауыздан қолданды. Енді мәслихат мақұлдаған ұсыныс  тиісті орындардың қарауына жолданады.

 Астана даңғылы үш-төрт жылдан бергі аралықта салынып жатқан Шымкенттің жаңа әкімшілік іскерлік орталығында орналасқан. Бұл даңғылдың бойында облыстық әкімдік, басқа да көптеген ірі мәдени ғимараттар, биіктігі аспанмен таласқан зәулім тұрғын үйлер орналасқан. Назарбаев даңғылы келешекте Шымкенттің басты көшесіне айналады.

Тәуелсіздік күні қарсаңында Алматыдағы Фурманов көшесінің атауы Назарбаев болып ауысқаны белгілі. Шымкенттіктер Тұңғыш президенттің есімін көшеге беруде Тәуелсіздік, Тұңғыш президент немесе Астана күндерін күтіп жатпады.  Осылайша ойда-жоқта тарс еткізіп, алматылықтарды артта қалдырды. Енді Шымкенттіктерді шаң қаптыратын кім болар екен?!

Тегтер:

ҰҚСАС ЖАҢАЛЫҚТАР

Әсет МАТАЕВ 14:15
Біздің ұрпақ мәселелерді шеше алады!
Ерзия ЕРСҰҢҚАР 07:20
Зүлфия-ау, ит құрлы құнымыз болмады ма?!.
Сайт әкімшілігі 01.02.2023, 14:24
Қазақстанда жеңілдетілген автонесие алу үшін банк шарттары аталды
Нұрлан ТОБАҚАБЫЛОВ 01.02.2023, 11:26
«Өсер елдің баласы бірін-бірі батыр дер!»
Несіпхан ҚОҢЫРБАЕВ 01.02.2023, 04:13
Сұмдық демеске лаж жоқ...
С. БӨКЕНОВ 31.01.2023, 16:35
Неге жерлеу рәсіміне арнайы қаражат бөлінбейді?

Аңдатпа


  • Зүлфия-ау, ит құрлы құнымыз болмады ма?!.
    07:20
  • Әкімдер ай қарап жүр ме?
    07:16
  • Тағдырын «дәретхана дауы» талқандаған...
    07:12
  • «Экстің» пайдасынан зияны асып кеткен жоқ па?!
    01.02.2023, 07:32
  • Бір мандатқа таластырды бұл билік...
    01.02.2023, 07:28