Атеистердің құқықтары заңдастырылады

Еркежан АРЫН

16.09.2021, 17:30

779

Қазақстанда дінге сенбейтіндердің құқықтарын қорғау бойынша заңға түзетулер қабылданады. Бұл туралы орталық коммуникациялар қызметінде өткен брифингте Ақпарат және қоғамдық даму министрлігі Дін істері комитетінің төрағасы Ержан Нүкежанов мәлім етті.

       Тиісті комитет басшысының айтуынша, республикада заң үстемдік етеді және барлық азаматтар діни көзқарастарына қарамастан, зайырлы мемлекет принциптерін ұстануға тиіс. Ол Қазақстанның зайырлы мемлекет екенін, онда азаматтардың барлық процестері мен қарым-қатынастарын реттейтін заңдар маңызды екенін еске салды. «Біз сенушілердің де, сенбейтіндердің де құқықтарын қамтамасыз етуге тырысамыз. Осыған байланысты әлемдік тәжірибеге сүйене отырып, нүктелік түзетулер аясында дінге сенбейтіндердің құқықтары сияқты ұғымды енгізуді жоспарлап отырмыз. Біз зайырлы мемлекетпіз және бізде конфессияға, дінге, ұлтқа қарамастан, заң бәрінен жоғары. Заң барлығына бірдей және ол орындалуы тиіс», – деді комитет басшысы. Десе де, Е.Нүкежанов заңнамалық түзетулер қай заң жобасында қарастырылатынын және құжат қашан қаралатынын нақтыламады.

        2019 жылы Қазақстанда дінге сенбейтіндердің үлесі жалпы халықтың 18,8 пайызын құраған болатын. Қазақстандықтардың 75 пайыздан сәл астамы өздерін діндар санайды, бірақ тұрақты діни рәсімдерді орындамайды және ешқандай діни бірлестіктердің қызметіне қатыспайды.

        Еске салайық, дәл осы мәселе 2017 жылы көтерілген болатын. Содан кейін дін істері және азаматтық қоғам министрі Нұрлан Ермекбаев Қазақстанда мемлекет пен дін арасындағы қарым-қатынастың өзіндік үлгісін, «артқа қарамай және шетелдік сыннан қорықпай, исламды түсінудің өзіндік мектебін әзірлеу қажет» екенін айтқан еді.

      Соңғы жылдары азаматтардың діндарлығының тез өсуі сәйкес мәдениеттің қалыптасуынан және діни догмаларды сыни қабылдау мүмкіндігінен асып түсті, сол себепті кейбір діндарлар дін ережелерін сөзбе-сөз орындауды заңдар мен зайырлы моральдан жоғары қоя бастады.

Тегтер:

ҰҚСАС ЖАҢАЛЫҚТАР

Сайт әкімшілігі 14:48
«2 градусқа дейін аяз болуы мүмкін»: алдағы үш күнге арналған ауа райы болжамы
Бифат НҰРМАХАН 09:40
Солтүстіктегі солақай тірлік
Жарас КЕМЕЛЖАН 07:48
Қазақ кредитке кіріп тұрып қуанады
Бифат ЕЛТАЕВА 24.05.2022, 15:15
Балаларға арналған спорт секциялары ашылуда
Ерзия ЕРСҰҢҚАР 24.05.2022, 13:35
Сот белсенділігі уақыт талабы
Бифат ЕЛТАЕВА 24.05.2022, 12:05
Жастарды қолдау маңызды

Аңдатпа


  • Не істеу керек?
    24.05.2022, 08:00
  • Қазақстан шекарасын «қарақшы» күзетеді (видео)
    24.05.2022, 08:07
  • «Зың әкімге» де тықыр таянды ма?
    24.05.2022, 08:05
  • НӘН-байдың заманы мен зауалы
    20.05.2022, 08:09
  • Амалбек Тшанов: Бұлардың көзқұрты – колледжің жері
    20.05.2022, 08:01