Атырауда Ноғаев шеше алмайтын мәселе бар...

23.02.2018, 23:56

228

 Атырау облысының әкімі Нұрлан Ноғаевтың жақында өткен халыққа есеп беру жиналысында зейнеткер Рысханым Айтпаева «Химпоселок» тұрғындары қалаға жаяу қатынап жүргенін айтып, қоғамдық автобус бағытын қайта жандандыруды сұраған еді. Облыс әкімі «мәселені шешеміз» дегенімен ауыл тұрғындары қоғамдық көлікті жақын арада көрмейтін сияқты.  Мәселен, қаладағы қоғамдық көліктердің қозғалысына жауапты «Смарт Атырау» мекемесі мәлімдегендей, «қазіргі күні 2017-2022 жылдарға арналған арнайы тұжырымдама дайындалып жатыр, қай бағыттың қалай жүреді, қайсысы пайдалы, қайсысы қажетсіз екені сол тұжырымдамада көрінбек». Сосын тендер өткізіп, «жүзден жүйрік» шыққандармен келісім жасалып, түрлі бағытпен жүретін автобустардың иелері анықталады. Яғни, «Химпоселок» тұрғындары «қашпаған сиырдың піспеген уызына» қарап отыруға мәжбүр. Неге десеңіз, ол тұжырымдаманың қашан жүзеге асарын белгісіз.Жалпы, осы мәселені облыс басшылары бірінші рет естіп тұрған жоқ. Бұрын қала іргесіндегі «Химпоселок» поселкесіне  №7 бағыттағы автобус қатынайтын. Бірақ, тура сабақ басталған кезде бұл автобус өз жұмысын тоқтатты. Сондағы айтқан уәжі: күндіз жүретін жолаушының аздығынан пайда жоқ. Міне, жарты жылдан бері  қаладағы мектепке балаларын  тасып қиналған  «Химпоселок» тұрғындары қала басшылығына, облыс әкіміне өтініш, шағым айтып жүр. Мұны әрине, облыс әкімі Н.Ноғаевтың естімеуі мүмкін емес.  Ел сөзін тыңдар құлақ болса, білек сыбанып осы күнге дейін бұл мәселені шешіп тастауға да болар еді. Алайда, басшылардың ондай шапағаты «Химпоселокке» әзірге түспей тұр.Айтпақшы, облыс әкімінің есепті жиынынан кейін  «Смарт-Атырау» КММ жол-патрульдік полициямен бірге рейд өткізіп, қаладағы елуге тарта автобус пен «Газель» жүргізушілерін тексерді. Сөйтіп, жүргізуші куәлігінсіз қоғамдық көлік айдаған екі адам анықталды. Жолаушыларға билет бермеу, арнайы форманы кимеу, көліктің техникалық жағдайын қадағаламау сияқты ірілі-ұсақты кемшіліктер үшін ескертулер жасалды. Осылайша, әкімнің бір тапсырмасы оңай орындалғандай болды. Ал, «Химпоселокке» дереу арада қоғамдық автобус жүргізуге келгенде басшылардың сиқыры бітіп қалғандай.Құралай Қуатова,Атырау облысы 
Тегтер:

ҰҚСАС ЖАҢАЛЫҚТАР

Еңлік АБАҒАН 13:22
Қарасай ауданы: Қоймалжың батпақ пен қою шаң
Нұрболат ӘЛДИБЕК 03.08.2021, 11:01
«Жас Алаштың» 100 жылдығы Жамбылда жалғасты
Қуаныш ӘБІЛДАҚЫЗЫ 03.08.2021, 09:25
«Естімейтін үкімет» пен екпеге сенбейтін халық
Елеусіз МҰРАТ 03.08.2021, 09:20
Еріккеннің ермегіне айналған әлеуметтік желіге тәртіп керек
Сайт әкімшілігі 02.08.2021, 14:30
Қазақстандықтар қаржы пирамидаларына 21 миллиард теңге салған
Сайт әкімшілігі 02.08.2021, 12:04
Жаңа оқу жылы онлайн бола ма, офлайн бола ма?!

Аңдатпа


  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58