Атыраудағы балықты кім қырды?

10.07.2019, 20:52

234

Атырауда былтырғы балықтың қырылу оқиғасына байланысты сот процесі жүріп жатыр. Бұл жолы сотқа дейінгі тергеу «құрамында хлоры көп суды Жайық өзеніне жіберді» деп қорытындылаған «Атырау су арнасы» мекемесі жауапқа тартылуда. Аталған кәсіпорынның бұрынғы директоры, оның орынбасары мен су тазалау стансасының басшысы өздеріне тағылған айыпты жоққа шығарып отыр. 
— Олардың барлығы ҚР ҚК 328-бабы 3-бөлігі («Қоршаған ортаға аса ірі залал келтіруге не адам өлiмiне не адамдардың жаппай сырқаттануына әкеп соққан іс-әрекеттер») және 2014-бабы 2-бөлігі («Отпен немесе қаупі жоғары өзге де көздермен абайсыз жұмыс iстеу арқылы жасалған не ауыр зардаптарға әкеп соққан немесе аса ірі залал келтірген дәл сол іс-әрекет») бойынша айыпталып жатыр.  Сондай-ақ, кәсіпорын басшысына қатысты қосымша ҚР ҚК 371-бабы («Салғырттық») бойынша қылмыстық іс тіркелді», — дейді облыстық соттың баспасөз хатшысы Боранбай ҒАЛИЕВ.
— Су құрылғысындағы ағын судың құрамында осыншалықты көлемде хор болуы мүмкін емес, олай болса халық та уланып қалар еді. Менің қорғауымдағы кісілер сол себепті де кінәларын мойындамай отыр, — деп түсіндіреді адвокат Амантай ДҮСІПОВ.
Сондай-ақ, айыптау құжаттарында сарапшылардың балықтардың аммиактың кесірінен қырылғаны да көрсетілгені белгілі болды. Алайда, аммиактың «Атырау су арнасына» қатысты екеніне айғақ жоқ.
Өткен қыста Жайық өзенінде 120 тонна, оның ішінде 101 тонна бекіре тұқымдас балық қырылғаннан кейін жауапқа тартылған мекемелер қатарында қалалық жылу-электр орталығы да болған еді. Оны бір тоннадай балық шығыны үшін айыптаған, өйткені, сүзгінің болмауы балықты каналға тартып кетуге себеп болған. Орталық кінәсін мойындап, айыппұл төлеген болатын. Ал «Атырау су арнасы» балық қырғынына қатысы жоқтығын сотта дәлелдеп шықпақ ниетте.
Фотоны ұсынған: автор
Тегтер:

ҰҚСАС ЖАҢАЛЫҚТАР

Сайт әкімшілігі 17.01.2022, 10:30
ТЖ кезінде 68 жанармай құю станциясы зардап шекті - Алматы әкімдігі
Сайт әкімшілігі 15.01.2022, 22:02
Ө.Шөкеев: «Сайрам ауданының тәжірибесін қолдану керек"
Сайт әкімшілігі 14.01.2022, 09:02
Бір тәулікте 10 мыңнан аса COVID-19 жұқтырған
Сайт әкімшілігі 13.01.2022, 18:02
Алматыда өртенген әкімдік ғимараты тазартылып жатыр
Арайлым ЕРКЕБАЕВА 13.01.2022, 11:17
Қарағандыда жедел жәрдем дәрігерлері Президенттен көмек сұрады.
Сайт әкімшілігі 12.01.2022, 16:06
Алматыдағы бүлік суреттері мен видеоларын қайда жіберу керегі айтылды

Аңдатпа


  • "Қазақстан халқына" қорына білім беру ұйымдары ақша аударуға міндеті емес
    17.01.2022, 14:00
  • Алматы трагедиясы: Бас прокуратура қылмысты толық аша ала ма?!
    14.01.2022, 08:54
  • Сағынтаев Алматыдағы бүлік кезінде қайда болды? (видео)
    13.01.2022, 09:30
  • Эпид ахуал күрделеніп барады. Бас санитардың қаулысы жарияланды
    14.01.2022, 08:39
  • Бүліктен бизнеске келген залал 100 миллиард теңгеден асты
    13.01.2022, 09:08