Байбек: «Nur Otan» саяси кеңестерінің өңірлердегі құрамы 51%-ға жаңарды

Сайт әкімшілігі

19.05.2021, 15:38

1133

«Nur Otan» Төрағасының бірінші орынбасары Бауыржан Байбек Facebook-тегі парақшасында партияның өңірлердегі «қайта жаңғыруы» және Нұрсұлтан Назарбаевтың алдағы электоратаралық кезеңге қойған міндеттері туралы айтты.

Оның айтуынша, «Nur Otan» Мәжіліс пен барлық деңгейдегі мәслихаттар сайлауында жеңіске жеткен алғашқы күннен бастап сайлауалды уәделерін орындауға кіріскен. 

Осылайша, әрбір облыс, қала және аудан бойынша 217 егжей-тегжейлі жол картасы бекітілген. Олардың орындалуын жүйелі бақылау үшін 14 республикалық және 1738 өңірлік қоғамдық кеңес құрылды. Оған депутаттардан басқа белгілі қоғам қайраткерлері, сарапшылар және журналистер кірді.

Партия Лидері Нұрсұлтан Назарбаев қойған міндеттерге сәйкес электоратаралық кезеңде Орталық аппараттың құрылымы оңтайландырылып, еліміз бойынша партияның қоғамдық қабылдау бөлмелері мен филиалдары халықпен өзара іс-әрекет жасаудың проактивті форматына көшті.

«Елбасы айтқандай, «Nur Otan» «бір орында тұрып қалмай», әрдайым жетіліп отыруы керек. Партия белсенді азаматтық ұстанымы, креативті идеялары мен жобалары бар адамдарды біріктіріп, қолдауы тиіс. Сондықтан да сайлау барысындағы республикалық партияішілік праймериз «Nur Otan» партиясын жүйелі түрде қайта жандандырудың негізгі элементі болды. 

Бүгінде, электоратаралық кезеңде партияның кадрлық әлеуетін күшейту бойынша жұмыстар белсенді түрде жалғасуда. Өткен аптада облыстар, қалалар мен аудандардың барлық өкілді партия органдарына сайлауы аяқталды. «Nur Otan» саяси кеңестерінің құрамы өңірлерде 51%-ке жаңартылды», -деді Бауыржан Байбек. 

Ол келтірген ақпараттарға сүйенсек, әйелдердің үлес саны 29-дан 35%-ке, 35 жасқа дейінгі жастар – 11-ден 22,5%-ке дейін өскен.  Мемлекеттік қызметшілердің үлесі 2 есеге, яғни 18-ден 9%-ке дейін төмендеді. Үштен бірінен астамы – үкіметтік емес ұйымдардың өкілдері, журналистер, блогерлер, кәсіпкерлер, сондай-ақ ауыл шаруашылығы мен өнеркәсіп қызметкерлері. Әрбір екінші адам – өткен праймериздің қатысушысы.

Бауыржан Байбек атап өткендей, «Nur Otan»-ның бүкіл бастауыш партия ұйымдарының басшыларын (барлығы 4517) сайлау партиямызды жаңартудағы тағы бір елеулі қадам болды. Дауыс беру қорытындысы бойынша 566 мыңнан астам партиялық, яғни «бастауыш партия ұйымдары» басшыларының 20%-і жаңарды, ал 80%-і сенім мандатын қайта растады.

«Nur Otan»-ның міндеті – тиімді партиялық-саяси күн тәртібін қалыптастыру және жергілікті жерлерде партиялықтардың жұмысын түбегейлі түрде күшейту. Бүгінгі күні барша нұротандықтарды ел Президенті Қасым-Жомарт Тоқаевтың «Халық үніне құлақ асатын мемлекет» тұжырымдамасын тиімді іске асыруға жұмылдыру маңызды. Атап айтқанда: өзекті мәселелерді ашық талқылау, халықпен «кері байланысты» күшейту, азаматтық бастамаларды қолдау, сондай-ақ бюджет қаражатын жұмсаудың тиімділігі мен ашықтығына жүйелі мониторинг жүргізу және басқа да мәселелерді қамтиды. Елбасы айтқандай, нұротандықтардың басты үш қағидаты – жауапкершілік, командалық рух, партия идеалдары мен құндылықтарына беріктік. Біз межеленген жоспарлар мен берген сайлауалды уәделеріміздің барлығын жұдырықтай жұмыла отырып, бірге жүзеге асыратынымызға сенімдімін», — деп түйіндеді ол.

Тегтер:

ҰҚСАС ЖАҢАЛЫҚТАР

Сайт әкімшілігі 08:58
"Төбесі құлап жатыр". Талғарда 3 миллиард теңгеге салынған мектеп төңірегінде дау туды
Сайт әкімшілігі 12.08.2022, 18:21
Синоптиктер алдағы күндерге арналған ауа райы болжамын жариялады
Сайт әкімшілігі 12.08.2022, 17:42
Қорғаныc министрлігі әскерде жұмыс істеген қыздың айыптауларына жауап берді
Сайт әкімшілігі 12.08.2022, 14:38
Әлемдегі ең қымбат дәріні еккен қазақстандық бала көз жұмды
Сайт әкімшілігі 12.08.2022, 07:00
Алматыда nFactorial жазғы бағдарламалау лагерінің жабылу салтанаты өтті
Сайт әкімшілігі 12.08.2022, 05:00
ҚР Энергетика министрі: ККЖ-ҰЕҚБЖ жоспарға сәйкес жүзеге асырылуы қажет

Аңдатпа


  • "Төбесі құлап жатыр". Талғарда 3 миллиард теңгеге салынған мектеп төңірегінде дау туды
    08:58
  • Қасақана өртеді: Тараздағы әскери бөлімдегі жарылысқа қатысты тың дерек шықты
    12.08.2022, 08:47
  • «Үйдің жыртығын жамау мүмкін емес»: Елордада 50 жыл болған жатақхана құлағалы тұр
    11.08.2022, 09:04
  • Смайыловтың Президентке ұсынған болжамы дөп келе ме?
    10.08.2022, 09:37
  • «ЭКСПО-2017»: Миллиардттарға салынған мақтаулы нысандар су астында қалды
    09.08.2022, 08:49