Байбек Nur Otan уәдесі аясында елордада салынған әлеуметтік нысандарды аралады

Сайт әкімшілігі

25.11.2021, 18:28

332

«Nur Otan» партиясы Төрағасының бірінші орынбасары Бауыржан Байбек елордада «Nur Otan» партиясының сайлауалды уәделерінің орындалу барысымен танысты.

Оның айтуынша, Елбасы, партия Лидері Нұрсұлтан Назарбаевтың тапсырмасы бойынша партия әр облыста, қалада және ауданда 217 жол картасының іске асырылуына жүйелі бақылау жүргізуде.

Мемлекет басшысы Қасым-Жомарт Тоқаев жария еткен «Өзгерістер жолы: Әр азаматқа лайықты өмір!» атты Сайлауалды бағдарлама аясында жыл басынан бері Нұр-Сұлтан қаласында 20 мыңнан астам тұрақты жұмыс орны ашылып, 7 дәрігерлік амбулатория пайдалануға берілді, 96 көше жөндеуден өтті және т.б. Бұл жұмыстардың басым бөлігі қала шетінде жүргізілді.

«Филиал төрағасы, қала әкімі Алтай Көлгіновпен бірге «Өндіріс» тұрғын алабындағы №23 мектептің 600 орындық жаңа корпусын араладым. 2019 жылы ел Президенті Қасым-Жомарт Тоқаев бұл ауданда халық тығыз орналасқанындықтан, аталған оқу орнын кеңейтуді тапсырған еді. Жаңа корпустың құрылысы партияның қалалық сайлауалды бағдарламасына енгізілді. Жалпы, партия елордада 2025 жылға дейін 60 мың орынға арналған кемінде 50 жаңа мектеп салу міндетін қойып отыр. Биылдың өзінде 8 жаңа мектеп ашылды, тағы 7 нысанның құрылысы аяқталуда», — деп жазды ол Facebook парақшасында. 

Сондай-ақ, Бауыржан Байбек «Өндіріс» тұрғын алабында дене шынықтыру-сауықтыру кешеніне барды. Жыл соңына қарай мұнда күнделікті 500-ден астам адам самбо, кикбоксинг, пауэрлифтинг және басқа да спорт түрлерімен айналыса алады. Жалпы, партияның уәделеріне сәйкес осы жылдың өзінде өңірлерде 127 мыңнан астам секция ашылып, 22 мыңнан астам балалар үйірмесінің жұмысы қайта жанданды.

Содан кейін партия Төрағағасының бірінші орынбасары астанадағы ЖЭО-2-ні газға көшіру жұмыстарының барысымен танысты.

«Елбасы «Nur Otan» Саяси кеңесінің отырысында айтқандай, экология мәселелері еліміз бен билеуші партия үшін негізгі басымдықтардың біріне айналуы тиіс. Бүгінде нысан 95%-ке аяқталды. Газдандыру нәтижесінде азот және көміртегі тотықтарының, парниктік газдардың шығарындылары айтарлықтай азайып, көмір күлінің шығарындылары толығымен жойылады. Елбасының өңірлерді газдандыру жөніндегі «Сарыарқа» жобасы аясында жыл басынан бері қалада 10 мыңнан астам үйге газбен жабдықтау желілеріне қолжетімділік қамтамасыз етілді», — деді ол.

Осы күні Бауыржан Байбек қалалық партия активімен бірге елорда бойынша сайлауалды бағдарламаның іске асырылу барысын талқылады.

Тегтер:

ҰҚСАС ЖАҢАЛЫҚТАР

Сайт әкімшілігі 12:54
Қайта құрудан егемендікке дейін: Теміртауда «Өзгерістер уақыты» көрмесі ашылды
Сайт әкімшілігі 12:52
Жезқазғанда «Мен – Жас Қазақстандықпын» қала жастарының форумы ұйымдастырылды
Сайт әкімшілігі 11:15
«Экопатруль» жобасы Семей қаласының экологиялық проблемаларына назар аударады
Сайт әкімшілігі 10:02
"Омикрон" штамы туралы алғаш хабарлаған дәрігер жаңа симптомдарды айтты
Сайт әкімшілігі 08:52
Коронавируспен ауырып жатқан 397 адамның жағдайы ауыр
Сайт әкімшілігі 08:32
Лицензиясынан айырылған университет студенттердің құжаттарын қайтармай отыр

Аңдатпа


  • "Жас Алашқа" жазылуды ұмытпаңыз!
    23.11.2021, 10:20
  • Қайта түлеуге қадам басқан Майқұдық
    22.11.2021, 14:03
  • «Жас Алашты» ауыл кітапханасына жаздырып бердім
    16.11.2021, 10:00
  • «Ақиқаттың алдаспаны» байқауына қатысыңыз
    26.10.2021, 11:14
  • «Ақиқаттың алдаспаны» байқауына қатысыңыз
    19.10.2021, 10:30