Біртанов бәріне «беріп» қойған ба...

Әділ КЕМЕҢГЕР

11.11.2020, 13:18

1694

 Бұрынғы денсаулық сақтау министрі Елжан Біртанов ұсталмай тұр екен. Ұсталып еді, биліктің төңірегін жағалаған блогерлер, кәдімгі ірі басылымдар, басқа да ірілі-ұсақты шенділер һәм қайраткерлер Біртановты жан-жақтан ақтап-жақтап шыға келді.

     «Ол дегенің сүттен ақ, судан таза» деседі. Тіпті арнайы петиция ашып, боты бар, басқасы бар – жабылып оған қол қойып жатыр екен. Бір Біртанов үшін бұларға соншама шыр ете қалатындай не көрінген, тап бір құйрықтарына шоқ түскендей? Әлде шынымен де шоқ түсті ме екен?

     Белгілі ғой, Қазақстандағы кез келген министрлік – түрлі жобаларға  бюджеттің қомақты ақшасы үлестірілетін үлкен майшелпек. Сол майшелпектің дәмін бұл жолы тым көп қойған ба?  Күні кеше «соттарға қысым жасалмауы керек» деген Тоқаевтың сөзін топтар татып  пысқырмай, «Біртановтан қолыңды тарт!» деп, тықсырып жатқандарына не жорық?

     Ал қарапайым қазақ үшін Біртанов – сайлау арқылы емес, жоғарыдан тағайындау арқылы қызметке келетін Қазақстандағы көп министрдің бірі. Сайланбаған министрлер, сайланбаған депутат сияқты халық алдында сүйкімді болған емес. Халық үшін шенеунік Біртанов немесе пәленшиев-түгеншиев деп бөлінбейді. Бәрі бір жүйенің өкілі. Шенеунік жымқырса, жымқырған болар бюджет ақшасын, ондайға таңғалудан баяғыда қалғанбыз. Кедей шенеунікті көргеніміз жоқ.

     Бір қызығы, Біртановты қамауға алған – Шпекбаевтың жемқорлыққа қарсы іс-қимыл агенттігі емес, қаржы министрлігінің экономикалық тергеу қызметі. Шпекбаевтың мекемесі бұл іске араласпай отыр. Соған қарағанда не болса да, биліктегі екі топтың арасында кезекті қырқыс жүріп жатыр-ау.

      Тергеу барысында Біртанов кімге «бергенін» айтып қойса, «алғаны» ашылып, «күйіп кетейін» деп тұрған күштер отыр-ау, содан тасадан тас атқылап жатқан... 

Тегтер:

ҰҚСАС ЖАҢАЛЫҚТАР

Сайт әкімшілігі 15:51
Қазақстанда оқу жылы 31 мамырға дейін ұзаруы мүмкін
Сайт әкімшілігі 09:12
«Мектепке жол». Атырауда бірінші сынып оқушысына 10-сынып оқушысының формасы берілген
Сайт әкімшілігі 08:58
"Төбесі құлап жатыр". Талғарда 3 миллиард теңгеге салынған мектеп төңірегінде дау туды
Сайт әкімшілігі 12.08.2022, 18:21
Синоптиктер алдағы күндерге арналған ауа райы болжамын жариялады
Сайт әкімшілігі 12.08.2022, 17:42
Қорғаныc министрлігі әскерде жұмыс істеген қыздың айыптауларына жауап берді
Сайт әкімшілігі 12.08.2022, 14:38
Әлемдегі ең қымбат дәріні еккен қазақстандық бала көз жұмды

Аңдатпа


  • "Төбесі құлап жатыр". Талғарда 3 миллиард теңгеге салынған мектеп төңірегінде дау туды
    08:58
  • Қасақана өртеді: Тараздағы әскери бөлімдегі жарылысқа қатысты тың дерек шықты
    12.08.2022, 08:47
  • «Үйдің жыртығын жамау мүмкін емес»: Елордада 50 жыл болған жатақхана құлағалы тұр
    11.08.2022, 09:04
  • Смайыловтың Президентке ұсынған болжамы дөп келе ме?
    10.08.2022, 09:37
  • «ЭКСПО-2017»: Миллиардттарға салынған мақтаулы нысандар су астында қалды
    09.08.2022, 08:49