Д. Ахметов: «Азаматтың қазасына себепкерлер жазасыз қалмайды»

Сәтжан ҚАСЫМЖАНҰЛЫ

22.10.2020, 03:42

2480

Үржар ауданы, Мақаншы ауылындағы полиция бөлімшесінде болған (17 қазан) қайғылы жағдайдың Шығыс өңірде дүрбелең алып кеткені белгілі. Қаратұма ауылының тұрғындары Мақаншы полиция бөлімшесіндегі  Азамат Оразалының тосын өліміне байланысты өткен сенбіде бас көтеріп, наразылықтарын білдірген болатын.

Бұл жағдай жергілікті биліктің ағымдағы жұмысына да кері әсерін тигізгені шындық.   Облыстық Ішкі істер департаментінің басшысы, полиция полковнигі Сағат Мәдиев оқиға орны алған жерге барып, тікелей видеожауап бергені де БАҚ арқылы тарап кетті.

33 жастағы қаратұмалық азаматтың бұған дейін ауыл-аймағына белгілі, көптеген іске белсене араласып жүрген еті тірі жігіт екенін ешкім де жоққа шығара алмайды. Алайда оның мал ұрлығына күдікті деп танылғаны және көп кешікпей, полиция бөлімшесінде қайтыс болғаны көпшілік көкейінде күмәнді күшейтуге түрткі болды. Жергілікті азаматтар жаппай жиналып, аудан орталығындағы ішкі істер бөліміне барып, наразылықтарын білдірген кезде жағдайдың ушығып кете жаздағаны бүгінде жұрттан жасыра алмас шындыққа айналды.

Ал апта басында облыс әкімі Даниал Ахметов марқұм Азамат Оразалы мекен еткен Қаратұма ауылына барып, қара жамылған отбасына көңіл айтып, марқұмның қазасына себепкер полицейлердің жазасыз қалмайтынына уәде берді. Бұған қатысты видеоны облыс әкімі өзінің әлеуметтік желідегі парақшасында былай деп жариялағанына да жұрт куә:

«Бүгін (20 қазан) жұмыс сапарымен Үржар ауданына арнайы бардым. Осыдан бірер күн бұрын Мақаншы ауылындағы полиция бөлімшесінде қайтыс болған марқұм Азамат Оразалының анасына, отбасына барып көңіл айттым. Тас түскен жеріне ауыр, сондықтан туған-туыс, бауыр, жора-жолдастарының қайғыларына ортақ екенімізді, бұл жағдай Үкімет басшысының жеке бақылауында екенін жеткізгім келеді.

⠀Қазір ауданда облыс прокуроры, Полиция департаментінің басшысы бастаған арнайы топ тергеп-тексеру жұмыстарын жүргізіп жатыр. Тергеу барысы заң талабына сай, әділ, ашық және жариялы түрде өтеді. Мен алдағы күндері ауданға тағы да келемін. Кінәлі тұлғалар заң бойынша қарастырылған жазасын алады. Кездесуге келген Мақаншы және Қаратұма ауылдары ақсақалдары мен тұрғындарының талап-тілегі де осы» деп жазды өңір басшысы.

   Оқиға барысына сәйкес, қазіргі күні жергілікті полиция қызметкерлерінің 5-і қызметінен босатылып, 3-і абақтыға жабылды.

  Ал ШҚО ішкі істер департаменті баспасөз қызметінің баяндауынша, бұл оқиға полиция қызметіне дақ түсірген. Қазір адам қазасына ұшыратқан оқиғаның қалай белең алғанына байланысты тергеу, тексеру жұмыстары жүргізілуде.

Тегтер:

ҰҚСАС ЖАҢАЛЫҚТАР

Сайт әкімшілігі 24.09.2021, 19:47
Байбек: Nur Otan-ның сайлауалды уәделері өңірлерде 14%-ке іске асырылды
Қуаныш ӘБІЛДАҚЫЗЫ 24.09.2021, 13:06
Баланың мұңын кім тыңдайды?
Жарлы БАЙҒАНИН 24.09.2021, 10:08
Солтүстік қазақылана бастады
Әдина ЕРҚАРАЕВА 23.09.2021, 17:30
Құл ететін құмар ойындар
Айтбала СҮЛЕЙМЕНҚЫЗЫ 22.09.2021, 15:40
Абай жаққан бір сәуле сөнбеу үшін...
Қуаныш ӘБІЛДАҚЫЗЫ 22.09.2021, 14:20
Аралас мектептер азаюдың орнына артып кетті. Неге?

Аңдатпа


  • Ұлт құндылығының ұлағаты
    14.09.2021, 12:30
  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39