Дәрігер коронавирустың жаңа асқыну белгілерін айтты

Сайт әкімшілігі

18.01.2021, 09:11

1921

Дәрігер коронавируспен ауырған науқастарда қандай неврологиялық асқынулар пайда болуы мүмкін екенін айтты, — деп хабарлайды «Жас Алаш»  тілшісі РИА Новости ақпарат агенттігіне сілтеме жасап. 

«Бұл ауру салдары әлі аз зерттелген. Олар инфекцияның өткір кезеңінде пайда болуы мүмкін. Асқынулар кешігіп те шығады — яғни олар адам жазылғаннан кейін пайда болады. Бүгінгі коронавирустың болашақта мидың ауыр ауруларының дамуына қандай серпін беретіні белгісіз. Жақсыға үміттенеміз», — деді жоғары санатты невропатолог және медицина ғылымдарының кандидаты Неонила Фомина-Чертоусова.

Коронавирустан кейін адамда орталық жүйке жүйесінде проблемалар да туындайды: ұйқысы нашарлайды, бұлшықеттерге зақым келеді.

«Тіпті ковидпен байланысты инсульт деген ұғым пайда болды. Коронавирус жұқтырған кезде инсульт алу мүмкіндігі көбірек — шамамен алты пайызға», — деп түсіндірді Фомина-Чертоусова. Ол инсульт вирус жұқтырған соң бірнеше аптадан кейін болуы мүмкін екенін немесе аурудың белгісіне айналуы мүмкін екенін атап өтті.

Коронавирустан перифериялық жүйке жүйесі жиі зардап шегеді, невропатологтың айтуынша, қауіп тобында жастар да бар. Ол коронавирус жұқтырған адамның кенеттен аяқ-қолы ұйып қалу белгілерін мысалға келтірді. Созылмалы неврологиялық аурулары бар, иммундық жүйені басатын терапия алатын адамдар да қауіп аймағында екені атап өтілді. 

Фомина-Чертоусова неврологиялық аурулары бар адам коронавирус инфекциясын жұқтырса, негізгі диагноз бойынша ұсыныстарды орындауға кеңес берді. Сонымен қатар, денсаулықты мұқият күтіп, эпидемияға қарсы ережелерді сақтау керегін айтты.

Тегтер: медицина біліктілік. коронавирус індет қауіп қатер

ҰҚСАС ЖАҢАЛЫҚТАР

Айтбала СҮЛЕЙМЕНҚЫЗЫ 05.08.2022, 09:24
Жұмыссыздықты төмендету - жастар саясатының басым бағыты
Сайт әкімшілігі 05.08.2022, 09:00
Мектеп формасының құны 25-30% қымбаттады
Әділ АҚЫЛБАЙ 05.08.2022, 08:28
"Жасыл Қазақстан": Су ресурстарын басқару жөніндегі жобаның берері мол
Сайт әкімшілігі 04.08.2022, 16:28
Шолақайдағы жантүршігерлік оқиға: күдікті туралы деректер айтылды
Сайт әкімшілігі 03.08.2022, 15:30
Қашықтан оқыту енгізілмейді
Сайт әкімшілігі 03.08.2022, 14:30
Қазақстанның солтүстігі Ресейге қосылуы керек деп мәлімдеген ерлі-зайыпты 5 жылға сотталды

Аңдатпа


  • Ұлттық банк пен Үкімет қымбатшылықты құрықтауға неге қауқарсыз?
    08.08.2022, 08:49
  • Баспана аспандады, азық-түлік шарықтады, үкімет өз жөнімен қалықтап жүр...
    05.08.2022, 09:17
  • АЭС-тің арты жақсы бола ма?!
    04.08.2022, 08:55
  • «Қазақстан халқына» қорынан халыққа пайда бар ма?!
    03.08.2022, 08:59
  • «Аллаһу акбар деп айқайлаған»: Жамбыл облысында сотталушы түрменің үш қызметкерін жаралады
    02.08.2022, 08:47