Диплом сатып алған азамат әкім болды

01.10.2018, 20:00

414

Қызылорда облысы Қазалы ауданына қарасты Бозыкөл ауылына жаңадан әкім тағайындалды. Осымен екінші мәрте аталмыш елді мекенге сайланған Ақылбек БӨЛЕБАЕВТЫ жергілікті халық жақсы таниды. Өкінішке орай, шенеуніктің аты атқарған игілікті істерімен емес, басы дауға қалған оқиғамен шыққан еді.2013 жылы Ақылбек Бөлебаевтің ісі тәртіптік кеңесте қаралды. Алаяқтың қолынан диплом сатып алған шенеуніктің құйтырқы әрекеті көпшілікке белгілі болған еді. Әріптестерінен жасаған әрекеті үшін кешірім сұраған Бозыкөлдің сол кездегі әкімі қызметімен қош айтысқан болатын. Арада 5 жыл өткеннен кейін бұрынғы басшы бұрынғы орнына қайта жайғасты. Әкімді ескі әрі жаңа қызметімен құттықтаған Жас Алаш тілшісі Ақылбек Бөлебаевпен телефон арқылы тілдескен еді.«Мен 2017 жылы Шымкент педагогикалық университетін бітірдім. Мамандығым – музыкант.Маған диплом сатқан адамды тауып, оны жауапқа тарту мүмкін болмады. Бұл қызметке заңға сәйкес тағайындалып отырмын»,  — дейді әкім.Расымен, Ақылбек Бөлебаев әкімдік қызметке тағайындалуында ешқандай заң бұзушылық жоқ екен.«Ақылбек Бөлебаев бұл қызметке депутаттардың сайлау қорытындысымен тағайындалды. Сайлауға қатысқан 11 депутаттың 10-ы осы кісінің кандидатурасын қолдаған. Кезінде осы әкімге қатысты қозғалған тәртіптік іс қысқартылған. Шенеуніктің соттылығы жоқ. Жоғары оқу орнын тәмамдаған. Яғни, заң оған бұл лауазымды қызметті атқаруға мүмкіндік береді»,- дедіҚазалы аудандық мәслихаты аппаратының басшысы Кенжебек МҰХАМБЕТ.Ал, жаңадан тағайындалған әкім жұмысына білек сыбана кіріскелі отырғанға ұқсайды. Алдағы уақытта Ақылбек Бөлебаев ауылдың жолдарын ретке келтіріп, қордаланған мәселелерді шешуді көздеп отыр.Фото: tengrinews.kzМАТЕРИАЛДЫ РЕДАКЦИЯНЫҢ РҰҚСАТЫНСЫЗ КӨШІРІП БАСУҒА БОЛМАЙДЫ. 
Тегтер:

ҰҚСАС ЖАҢАЛЫҚТАР

Сайт әкімшілігі 14:59
Мектептегі зорлық: ата-аналар іс жабылып қала ма деп қорқады
Бифат НҰРМАХАН 13.05.2022, 13:00
Бала құқығы – басты құндылық
Нұрболат ӘЛДИБЕК 13.05.2022, 10:45
«Көне Тараз» құлағалы тұр
Бақытжан ӘБДІРАШҰЛЫ 13.05.2022, 07:59
BI Group-тың былығы тексерісті қажет етеді
Сайт әкімшілігі 12.05.2022, 18:50
ҚР Кәсіподақтар федерациясының республикалық штабының алғашқы отырысы өтті
Сайт әкімшілігі 12.05.2022, 17:58
Алматыда сакура ағаштарын отырғызды

Аңдатпа


  • Мәскеуменен Тәшкеннен көш келеді
    12.05.2022, 08:30
  • Әскердегі әлімжеттік пе, әлде?..
    12.05.2022, 08:12
  • Сатылған бақтан бақ тайды ма?..
    12.05.2022, 08:07
  • Қазақша оқыт балаңды!
    05.05.2022, 05:30
  • "Өгіз мүдде"
    05.05.2022, 05:27