Экс-министр Біртановқа қандай жаза тағайындалуы мүмкін

Сайт әкімшілігі

04.11.2020, 03:14

915

Бұл туралы БАҚ өкілдеріне заңгер Жангелді Сүлейменов айтып берген. Заңгердің пайымынша оқиғаның бірнеше сценарийі болуы мүмкін.

"Қазір Елжан Біртанов ҚР Қылмыстық кодексінің 189-бабы 4-бөлігі  ("Өзіне сеніп тапсырылған біреудің аса ірі көлемдегі мүлкін иемдену немесе ысырап ету") бойынша күдікке ілінді. Бірақ заңда алғашқы квалификация деген ұғым бар. Яғни қазір қылмыстық тергеу органдары оған осы бап бойынша айып тақты, бірақ тергеу барысында басқа бапқа алмастыруы немесе осы бапқа тағы басқасы қосылуы мүмкін.

Егер бұл бап сотқа дейін өзгермесе, онда Біртановтың қылмыс жасаған кездегі алған мүлкі тәркіленіп, 7 жылдан 12 жылға дейін бас бостандығынан айыру жазасы кесілуі мүмкін. Тағы мемлекеттік қызметке отыруға тыйым салынады", — деді Сүлейменов.

Заңгер басқа да нұсқаны атады. 

«Күдікті қылмыс жасаған болса, сыбайластары да болуы мүмкін деп ойлаймын. Егер ол расталса, онда 262-баптың 2-бөлігіне сәйкес (»Ұйымдасқан топқа немесе қылмыстық ұйымға қатысу") бабы бойынша жаза тағайындалады. Ол — 8 жылдан 13 жылға дейін бас бостандығынан айыру жазасы.

Тағы тергеу барысында түрлі эпизод болуы мүмкін және күдіктінің соларға қатысы бар-жоғы тексеріледі. Мысалға егер ол ақшаны жұмсауға тікелей қатыспаса да, сыбайластары пара бердік деуі мүмкін. Ал бұл ҚК 366-бабына сәйкес 10 жылдан 15 жылға дейін бас бостандығынан айыру және параның сегіз есе мөлшерінде айыппұл төлеу. 

Ал егер жұмсау және ұйымдасқан топ, пара алу да дәлелденсе, онда сот жазаларды біріктіре отырып, 20 жылдан аспайтын жаза кесуі мүмкін", — деді сарапшы.

Еске салайық, Денсаулық сақтау министрлігінің бұрынғы басшысы Елжан Біртановқа қатысты тергеу жүріп жатыр.

Бұған дейін Желіде экс-министр Біртанов ұсталғаны туралы ақпарат тараған еді. Ақпарат Telegram-дағы бірнеше арнада анықтамалық құжат түрінде жарияланған болатын. Кейінірек бірқатар БАҚ ақпарат көздеріне сілтеме жасай отырып, бұрынғы денсаулық сақтау министрінің ұсталғанын мәлімдеді.

Бқған қатысты «Жас Алаш» газетінің өткен санында «Жарты млрд жеп қойған» дейді деген мақала жарық көрген де болатын.

Тегтер: жемқорлық пара сыбайлас жемқорлық заңсыздық тергеу

ҰҚСАС ЖАҢАЛЫҚТАР

Нұрболат ӘЛДИБЕК 17:36
Сапарханның «отставкасын» қолдаған Сапарбаев өзіне келгенде неге үнсіз?
Сайт әкімшілігі 17:23
Зейнеп Ахметова:"Бауыржан Момышұлы 4 күн бойы жерленбей жатып қалды"
Ермек Мұқанғалиев 11:46
Қазақ қайткенде ұлттық болмысын сақтап тәуелсіз ел болып қала алады?
Сайт әкімшілігі 09:30
Қаңтар оқиғасымен айналысатын тағы бір қоғамдық комиссия құрылмақ
Сайт әкімшілігі 24.01.2022, 12:53
Сағынтаев азық-түлік дүкендерін қиын-қыстау кезде бағаны негізсіз өсірмеуге шақырды
Сайт әкімшілігі 24.01.2022, 10:16
Ұсталған азаматтарды азаптап жатқаны рас па:Бас прокуратура жауап берді

Аңдатпа


  • Байлар 30 жыл «жиып-тергенін» «Қазақстан халқына» қия ма?!
    20.01.2022, 08:50
  • Біреуге бас қайғы, біреуге «мал» қайғы
    20.01.2022, 08:49
  • Алматыны «терроризм астанасы» етпек болды
    20.01.2022, 08:48
  • Қазақстанда билік төңкеріледі - үндістандық көріпкел Арченаның айтқаны келді
    19.01.2022, 00:00
  • «Аш адам ұрысқақ келетінін» ұмытпасақ екен...
    19.01.2022, 08:48