Экстремистік ұйымдарға адасып қосылғандар кешіріледі

20.09.2018, 21:25

376

Өзбекстан президенті Шавкат Мирзияев елде тыйым салынған ұйымдар қызметіне қатысқандарды егер олар айыбын мойындаса қылмыстық жауапкершіліктен босатуды қарастыратын жарлық шығарды. Өзбекстандық БАҚ-тың хабарлауынша, президент жарлыққа 19 қыркүйекте қол қойған.«Террорлық, экстремистік және тыйым салынған басқа да ұйымдарға адасып қосылып кеткен Өзбекстан азаматтарын қылмыстық жауапкершіліктен босату тәртібін жеңілдету туралы» жарлыққа сай, азаматтардың өтінішін Өзбекстан бас прокуроры Отабек Муродов басқаратын республикалық ведомствоаралық комиссия қарайды.Бұл комиссияның тұжырымы негізінде Өзбекстан азаматтарын қылмыстық жауапкершіліктен босататын жаңа ереже 1 қарашадан бастап күшіне енеді.«Шетелдердегі тыйым салынған ұйымдар қатарына адасып қосылып кеткен азаматтар істеген ісіне өкініп, айыбын мойындайтыны туралы хаттарын өздері жүрген елдердегі Өзбекстанның дипломатиялық өкілдіктеріне немесе Өзбекстан құқық қорғау органдарына тапсыра алады» делінген құжатқа берілген комментарийде.2017 жылдың маусымында президент Шавкат Мирзияев күш құрылымдары түзген "қара тізімді" қайта қарап, одан себепсіз айып тағылған адамдарды шығаруды тапсырған. Тізімге «сенімсіз дін ұстанушылар» мен діни сеніміне бола іздеуде жүрген адамдардың аты-жөні енгізілген.Кейбір мәліметтер бойынша, "қара тізімге" 16 мыңнан астам адам ілінген. 2017 жылы тамызда Өзбекстан билігі аталған тізімнен бірнеше мың адам — діни-экстремистік ағымдардың өкілдері мен қуғында жүрген диссиденттердің шығарылғанын хабарлаған.Дереккөз:Азаттық радиосы
Тегтер:

ҰҚСАС ЖАҢАЛЫҚТАР

Бифат ЕЛТАЕВА 20:17
Түрксіб ауданының әкімін тұрғындар мәселесі қызықтырмайды
Бифат ЕЛТАЕВА 18:06
Ерікті жастардың қоғамға тигізер пайдасы көп
Сайт әкімшілігі 13:43
Елордада балалар тауарларының жәрмеңкесі 21 тамызға дейін жалғасады
Айнұр АБАЕВА 17.08.2022, 13:20
Адамға үй сыйлау – оған үміт пен болашақ сыйлау
Сайт әкімшілігі 17.08.2022, 09:30
Алматылық кардиохирургтер сирек кездесетін ақаумен туған 4 жасар қызға күрделі ота жасады
Кемел ЖАН 16.08.2022, 09:52
Радикалданған адамдардың басты белгілері қандай?

Аңдатпа


  • Түрксіб ауданының әкімін тұрғындар мәселесі қызықтырмайды
    20:17
  • Тимур қазаққа түкірді
    08:13
  • Қазынаны қанайтын емес, жарылқайтын жобаға қашан жетеміз?
    08:12
  • Шөкеевтің өтірігін әшкереледі
    08:10
  • Теңгені теңселткен рубль
    17.08.2022, 08:22