Көпбалалы отбасыны орталықтар шынымен қолдай ала ма?

Арайлым ЕРКЕБАЕВА

06.05.2021, 13:34

1954

      Бүгінде елімізде көпбалалы отбасыларды қорғау орталықтары  көп ашылуда.  Нұр-Сұлтан қаласында бес бірдей сәбидің тірідей отқа өртеніп кеткен сұмдық оқиғасынан кейін  әр өңірде көпбалалы отбасын қорғаймыз деген ұйымдар ашыла бастады.

      Бүтін бір мемлекет көпбалалы аналарын  жеткілікті деңгейде қорғай алмай жатқанда, мұндай орталықтардың  қорғансызға пайдасы қаншалықты деген заңды сұрақ туындайды. Дегенмен барлық орталықтың еңбегін еш кетіру мақсат емес. Алайда көпбалалы отбасылар осындай орталықтардың  ашылып, жұмыс істеп жүргенінен де бейхабар болады. Мұндай орталықтар, әрине, қайырымдылықпен айналыспайды, олардың басым бөлігі мемлекеттік тапсырыс бойынша байқауларға қатысып, қаражат ала алса сол бағытпен жұмыс істейді. Орталық мамандары көпбалалы аналарға түрлі жағдайлар бойынша кеңес беріп, бағыт сілтеп отырады.

        Жақында Қарағанды қаласында мемлекеттік әлеуметтік тапсырыс аясында «Шаңырақ» көпбалалы отбасыларды қолдау орталығы ашылды. Бұл әлеуметтік тапсырысты «Талбесік» көпбалалы аналар одағы» қоғамдық бірлестігі орындайтын болып отыр. Аталмыш қоғамдық бірлестікті журналист, көпбалалы ана Ләззат Қожахметова ашқан болатын. «Шаңырақ» орталығы көпбалалы отбасыларға заңгерлік, психологиялық және әлеуметтік мәселелер бойынша тегін консультациялық қызметтер көрсетеді. Елімізде өткен жылы көпбалалы отбасыларды қолдайтын 31 орталық  жұмыс істепті. Соның ішінде бес орталық Қарағанды облысында ашылған екен.

    – Мұндай орталықтардың бар екенін жақында ғана естідім. Көпбалалы аналарды қолдайтын орталықтар Жезқазған, Сәтбаев, Балқаш қалалары мен Бұқар жырау ауданында жұмыс істеген. Егер осындай орталықтар ашылған болса, онда сол жақтың аналары неге бұл орталық туралы білмейді? Пандемия кезінде көпбалалы отбасылар көмекке мұқтаж болғанда бұл орталықтардың қалай жұмыс жасағанынан бейхабармын. Аналардың  күндіз-түні маған хабарласқанын сол өңірдің әкімдері біледі, – деп мәлімдеді  «Талбесік» көпбалалы аналар одағы» қоғамдық бірлестігінің басшысы Ләззат Қожахметова.

       Шын мәнісінде мұндай орталықтардың  бар екенін  нағыз көмекке зәру адамдар біле бермейді.  Бұл орталықты ашып алып, мемлекет қаржысынан дәметіп, жалған  ақпарат беріп отыратын кейбір орталық мамандарының салғырт жұмысының кесір-кесапаты болар.

Тегтер: мәселе көпбалалы ана орталық бірлестік

ҰҚСАС ЖАҢАЛЫҚТАР

Ермек Мұқанғалиев 11:46
Қазақ қайткенде ұлттық болмысын сақтап тәуелсіз ел болып қала алады?
Сайт әкімшілігі 09:30
Қаңтар оқиғасымен айналысатын тағы бір қоғамдық комиссия құрылмақ
Сайт әкімшілігі 24.01.2022, 10:16
Ұсталған азаматтарды азаптап жатқаны рас па:Бас прокуратура жауап берді
Сайт әкімшілігі 24.01.2022, 09:50
Омикрон жұқтырғандардың 73 пайызында кездесетін симптом айтылды
Қуаныш Әбілдәқызы 23.01.2022, 16:09
Әлия Назарбаева әлеуметтік желідегі парақшаларын қайта ашты
Сайт әкімшілігі 23.01.2022, 15:49
LRT-ның болашағы не болады?

Аңдатпа


  • Байлар 30 жыл «жиып-тергенін» «Қазақстан халқына» қия ма?!
    20.01.2022, 08:50
  • Біреуге бас қайғы, біреуге «мал» қайғы
    20.01.2022, 08:49
  • Алматыны «терроризм астанасы» етпек болды
    20.01.2022, 08:48
  • Қазақстанда билік төңкеріледі - үндістандық көріпкел Арченаның айтқаны келді
    19.01.2022, 00:00
  • «Аш адам ұрысқақ келетінін» ұмытпасақ екен...
    19.01.2022, 08:48