Короновирус жұқтырған министрлердің атын атауға болмайды (видео)

23.03.2020, 13:45

156

Ақпарат және қоғамдық даму министрі Дәурен Абаев коронавирус дертін жұқтырған министрлер туралы айтуға болмайтынын, ол дәрігерлік құпия екенін атады.
«Сырқаттанғандардың арасында жоғары лауазымды шенеуніктер, атап айтқанда министрлер, вице-министрлер және тағы басқа лауазымды адамдар бар-жоғын бізден сұрайды. Атап өткім келеді ол „Халық денсаулығы және денсаулық сақтау жүйесі“ туралы Заңның 95-ші бабына сәйкес дәрігерлік құпия болып табылады. Біз оны жария етуге құқымыз жоқ»,-деді Абаев ОКҚ брифингінде.

Бүгін Қазақстанда коронавирус ауруының 62-ші жағдайы тіркелді.

Алматыда COVID-2019-дан 26 адам, Нұр-Сұлтанда — 32, Қарағандыда — екі, Алматы облысында — бір, Ақтөбе облысында — бір адам жұқтырған.

Президент Қасым-Жомарт Тоқаев Қазақстандағы төтенше жағдайлар кезінде жұмыссыз қалған азаматтарға жәрдемақы төлеуді тапсырды. Сондай-ақ, қазақстандықтардың несиесін кейінге қалдыруды ойластыруды тапсырды. Дәрігерлер, полицейлер және төтенше жағдай салдарымен күресетіндердің барлығы жалақыларына қоса сыйақы алады.

Жалпы, коронавируспен күресу үшін Қазақстанда 10 миллиард доллар бөлінеді.

Тегтер:

ҰҚСАС ЖАҢАЛЫҚТАР