Ливандағы қазақстандық бітімгершілер

Еркежан АРЫН

09.04.2021, 15:38

284

2018 жылдың қазан айының соңында 120 әскерден тұратын бітімгершілік ротасы БҰҰ-ның Ливандағы миссиясына үнді бөлімшесінің құрамында жіберілген еді.  Сол уақыттан бастап БҰҰ-ның Ливандағы миссиясына қатысу тарихи қадам болды және қазақстандық әскери қызметкерлерге маңызды дағдылар мен тәжірибе алуға зор мүмкіндік берді.

Сол сияқты Былтыр пандемия кезінде Ливандағы қазақстандық әскери дәрігерлер Бейрут, Буар, Машгар және Сайда қалаларындағы медициналық мекемелердегі науқастарға медициналық көмек көрсетуге арнайы барған болатын. Жұмыстың алғашқы күндерінен бастап Қазақстанның әскери дәрігерлері жүздеген ливандық азаматтарды қабылдап, ливандық әріптестерімен бірге әскери госпиталь мен муниципалдық ауруханалар негізінде жұмыс істеді. Әрі Қазақстандық дәрігерлер хирургтардың, травматологтардың және терапевтердің көмегін қажет ететін жарақаттарды емдеуге қатысты.

Ал 2021 жылы Үндістан тарапымен жасалған келісімдерге сәйкес, Ливандағы БҰҰ миссиясындағы қазақстандық контингенттің бесінші ротациясы осы жылдың наурыз-сәуір айларында жүзеге асырылады. Қазақстандық тарап бітімгершілік контингентінің Ливандағы Үндістан батальонына қатысу тәжірибесін жалғастыруға ниетті. Осы бағытта Үндістан тарапымен тиісті келіссөздер жүргізіліп жатыр.

Дүние жүзінде БҰҰ-ның 14 миссиясы орналастырылған болса, оның ішінде Қазақстан Қарулы Күштердің бақылаушылары мен бөлімдері бағытының географиясын кеңейту жоспарлары да баршылық. Осы сынды ұсыныстар ел басшылығының тапсырмасына сәйкес дайындалуда. Қазақстанның Қарулы Күштерінің әскери қызметшілері БҰҰ миссияларына Қазақстанның сыртқы саяси мақсаттылығын ескере отырып жіберіледі. Сонымен бірге, қазақстандық әскери қызметшілердің қайда бара алатындығы нақты миссиялардың қажеттілігін ескере отырып, БҰҰ-мен келісім бойынша анықталмақ.

Жалпы, бұл Қазақстан әскерінің бітімгершілік мақсаттағы алғашқы қадамдары емес. Отандық жауынгерлер әлемдегі бейбітшілік пен тыныштықты сақтауда көптеген істер атқарып келеді. Шын мәнінде, бітімгершілік саясаты Қазақстан үшін үлкен пайда әкеледі, оны орта жолдан тоқта салуға болмайды, сондықтан операциялар көлемін одан әрі кеңейте беру қажет.

Тегтер:

ҰҚСАС ЖАҢАЛЫҚТАР

Нұрболат ӘЛДИБЕК 11:01
«Жас Алаштың» 100 жылдығы Жамбылда жалғасты
Қуаныш ӘБІЛДАҚЫЗЫ 09:25
«Естімейтін үкімет» пен екпеге сенбейтін халық
Сайт әкімшілігі 02.08.2021, 14:30
Қазақстандықтар қаржы пирамидаларына 21 миллиард теңге салған
Сайт әкімшілігі 02.08.2021, 12:04
Жаңа оқу жылы онлайн бола ма, офлайн бола ма?!
Сайт әкімшілігі 02.08.2021, 09:19
Қапшағайда демалысқа уақытша тыйым салынды
Сайт әкімшілігі 02.08.2021, 09:12
Бес қалада жаңа шектеулер күшіне енді

Аңдатпа


  • «Жас Алаштың» 100 жылдығы Жамбылда жалғасты
    11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58