Майгүлдің "майшелпегі"

Әділ АҚЫЛБАЙ

04.02.2021, 10:44

2295

Қазақ жемқорларының тарихына тағы бір қызық эпизод енді. Алматы облысында айтуға тұрарлық ірі жемқорлық қылмысы бойынша үлкен тергеу басталды.

       Ақпан айының басында ҰҚК департаменті мен облыстық арнайы тергеу прокуратурасы бірлесіп, бұған дейін Қылмыстық кодекстің 366-бабы 4-бөлігі бойынша тіркелген сотқа дейінгі тергеу ісі бойынша «Алматы облысының білім басқармасы» ММ басшысы, 1969 жылы туған Омарова Майгүл Тілеутайқызы, 1992 жылы туған, «Алматы облыстық білім беру саласындағы ғылыми-тәжірибелік ақпараттық технологиялар орталығы» коммуналдық мемлекеттік мекемесінің басшысы Менлыбаев Арапби Айдынұлы және 1989 жылы туған, Алматы облысының білім басқармасының күрделі жөндеу және мемлекеттік сатып алу бөлімінің бас маманы Абдолданова Бақыт Сағатқызының жемқорлық әрекеттерін әшкереледі.

        Тергеушілерден жеткен дерек бойынша бұл үшеуі өзара алдын ала келісіммен 1 ақпан күні «Азим», «Lazer», «LapTop», «LuckCom», «Алмас», «Кыдыралинов» Нукенова Н.Ж. деген бірнеше жеке кәсіпкерлік нысандарының өкілінен 37 миллион 650 мың теңге пара алған. Аса ірі көлемдегі пара 2020 жылдың қазан-қараша айларында аталған кәсіпорындармен бір көзден мемлекеттік сатып алу әдісімен 406 миллион теңгеге 2522 дана ноутбук алу туралы келісімшарт жасасқаны үшін және жеткізілген ноутбуктерді кедергісіз қабылдау үшін алынған. Ноутбуктер пандемия жағдайында Алматы облысының орта білім мекемелерінде қашықтан оқытуды қамтамасыз ету үшін «Жұмыспен қамту жол картасы 2020» мемлекеттік бағдарламасының аясында алынған.        Жүргізілген тінту кезінде қолма-қол ақшалай айғақ зат – 37 миллион 450 мың теңге табылып, тәркіленді. Қазір күдікті Омарова Майгүл Тілеутайқызы, Менлыбаев Арапби Айдынұлы және Абдолданова Бақыт Сағатқызы Алматы қаласындағы тергеу изоляторына қамауға алынған.

       Параны өз қолымен берген кім десеңіз, ол да Алматы облыстық білім беру саласындағы ғылыми-тәжірибелік ақпараттық технологиялар орталығының қызметкері екен. Жоғарыда аталған «Азим», «Lazer», «LapTop», «LuckCom», «Алмас», «Кыдыралинов» деген ИП-лардың өкілі болған – 1992 жылы туған Нүкенов Нұрлан Жанатұлы. Ол облыстық білім басқармасының бас маманы Абдолданова Бақытқа 30 қаңтарда «Kaspi Bank» АҚ арқылы 200 000 теңге және 1 ақпанда 37 450 000 теңге аударған. Бұл ақша басқарма басшылығының арасында бөліске түсуі тиіс болған.

Тегтер: білім қаражат мемлекет мәселе онлайн оқу жоба ғалам

ҰҚСАС ЖАҢАЛЫҚТАР

Сайт әкімшілігі 15:50
Аурухана лезде толып жатыр – Нұр-Сұлтан дәрігерлері үндеу жасады
Сайт әкімшілігі 14:30
Қазақстандықтар қаржы пирамидаларына 21 миллиард теңге салған
Сайт әкімшілігі 12:04
Жаңа оқу жылы онлайн бола ма, офлайн бола ма?!
Сайт әкімшілігі 09:19
Қапшағайда демалысқа уақытша тыйым салынды
Сайт әкімшілігі 09:12
Бес қалада жаңа шектеулер күшіне енді
М.СӘУЛЕБЕК 30.07.2021, 12:14
«Қайтыс болғандардың ешқайсысы екпе алмаған»

Аңдатпа


  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58
  • Ташкенттен «Жас Алаш» газетінің түпнұсқасы табылды (видео)
    07.07.2021, 13:15