Мектеп формасының құны 25-30% қымбаттады

Сайт әкімшілігі

05.08.2022, 09:00

2523

Елімізде мектеп формасының құны 25-30% қымбаттады, деп хабарлайды astanatv.

Елорда тұрғыны Сәмен Асхат- 3 баланың әкесі. Жылда 2 баланы мектепке дайындап жүрсе, биыл оған кенжесі қосылды, 1 сыныпқа барады. «Мектеп киімдері қымбат» дейді ол.

«Әр балаға кем дегенде 100 мыңдай теңге дайындау керек. Киімдер өте қымбат. 1- классқа баратын ұлымның формасының өзі тройка дейміз ғой: шалбары, жакеті бар, костюмы бар, рубашкасы бар соның өзі 40 мыңнан асады. Аяқ киімнің өзін жаңа 20 мың теңгеге алдық. Амал жоқ аламыз», -дейді Нұр-Сұлтан қаласының тұрғыны Сәмен Асхат.

Қымбатшылықты сатушылар да мойындайды. Тауарды Қырғыз, Қытай Туркиядан алдырамыз деген олар, отандық өндірістегі мектеп формаларының көтерме бағасының өзі қалтаға ауыр тиеді дейді.

«Оптовый бағасының өзі 12-13 мың деген, ол сосын біз оны қаншадан сатамыз? Ол қол жетімді баға болу керек кішкене», — деді кәсіпкер Сағадат Көмекбаева.

Мектеп формасы былтырғымен салыстырғанда 25-30 процентке қымбаттаған. Қазір базарда белдемшенің құны 3,5 мың мен 8 мың теңге аралығында, ақ көйлек 3600 теңгеден 12 мың теңгеге дейін барады. Шалбардың арзаны 4 мыңға бағаланса, сапасы жақсысы 12 мыңнан асып жығылады. Қыздардың сарафан көйлектерінің сапалысы 22 мың теңге, ер балалардың үшеулік костюм-шалбары 25 мың теңге тұрады.

«Ең қымбаты Түркия мен Қытайда тігілгендер. Бішкек қолжетімді. Бірақ соның өзінде былтырғы бағамен салыстырмалы түрде 25-30 пайызға өскен бағалары. Қымбат бағасы»,- деді кәсіпкер Сағадат Көмекбаева.

Оқу-ағарту министрілігі ата-ананың қалтасына ауыртпалық түсірмейміз деп барлық мектепке бірыңғай қою көк түсті мектеп формасын енгізбекші.

«Алдымыздағы оқу жылында мектеп формасына қойылатын талаптарға өзгеріс енгізілмейді. Және бұрынғы оқу жылындағыдай мектеп формасына қойылатын талаптар министрліктің 26 бұйрығына сәйкес сақталуда»,- деп түсіндірді  ҚО ОАМ мектепке дейінгі және орта білім беру комитеті төрағасының орынбасары Жомарт Қарамбаев.

Ата-аналарға мектеп формасын отандық өндірушілерден сатып алу ұсынылуда. Сатып алатын өндіруші мен сауда орталығын ата-аналар өздері таңдайды. Бұл әзірге тиісті мемлекеттік органдармен, ата-аналар қауымдастығымен талқылануда.

Тегтер: мектеп білім шара

ҰҚСАС ЖАҢАЛЫҚТАР

Сайт әкімшілігі 15.08.2022, 15:51
Қазақстанда оқу жылы 31 мамырға дейін ұзаруы мүмкін
Сайт әкімшілігі 15.08.2022, 15:11
ШҚО тұрғындары ауыл әкімін сайлау әділетсіз өтті деп шағымдануда
Сайт әкімшілігі 15.08.2022, 09:12
«Мектепке жол». Атырауда бірінші сынып оқушысына 10-сынып оқушысының формасы берілген
Сайт әкімшілігі 15.08.2022, 08:58
"Төбесі құлап жатыр". Талғарда 3 миллиард теңгеге салынған мектеп төңірегінде дау туды
Сайт әкімшілігі 12.08.2022, 18:21
Синоптиктер алдағы күндерге арналған ауа райы болжамын жариялады
Сайт әкімшілігі 12.08.2022, 17:42
Қорғаныc министрлігі әскерде жұмыс істеген қыздың айыптауларына жауап берді

Аңдатпа


  • "Төбесі құлап жатыр". Талғарда 3 миллиард теңгеге салынған мектеп төңірегінде дау туды
    15.08.2022, 08:58
  • Қасақана өртеді: Тараздағы әскери бөлімдегі жарылысқа қатысты тың дерек шықты
    12.08.2022, 08:47
  • «Үйдің жыртығын жамау мүмкін емес»: Елордада 50 жыл болған жатақхана құлағалы тұр
    11.08.2022, 09:04
  • Смайыловтың Президентке ұсынған болжамы дөп келе ме?
    10.08.2022, 09:37
  • «ЭКСПО-2017»: Миллиардттарға салынған мақтаулы нысандар су астында қалды
    09.08.2022, 08:49