Мектептер неге қирап жатыр?

Еңлік АБАҒАН

06.08.2021, 09:54

1259

Жаркент қаласындағы Хамраев атындағы орта мектепке қатысты әлеуметтік желілерде жарияланымдар жарияланды. Алаңдаған ата-аналар қабырғасы сөгіліп, қирай бастаған мектеп суреттерін де жүктеген. Олар баласының өміріне алаңдап, алдағы оқу жылында мектепке қалай жібереміз деп уайымдап отыр.

Жазиралы Жаркентте төрт жыл бұрын ел игілігіне берілген білім ордасының қабырғаларында жарықтар пайда болған. Нысанның жалпы сметалық құжатына 1 млрд 21 мың теңге бөлініп, «Алматыкульбытстрой»  мердігерлік компаниясы жауапкершілікті өз мойындарына алған болатын. Аталған компания мектеп құрылысына үш жылдық кепіл мерзім берген.

        «Аталмыш мектеп 430 оқушыға арналған. Ұйғыр тілінде оқытады. Сметалық құны 1 млрд теңгеден астам соманы құрайды. Кепілдікке үш жыл берілген ғимаратты қабылдап алғанда ешқандай олқылықтар болмады. Тек 2019 жылы қабырғасында аздап сызаттар пайда бола бастаған. Арнайы мамандар тексеріс жүргізу нәтижесінде құрылысшылар сыртқы сылағын қалың жаққаны анықталған. Биыл сыртқы сылағы түсе бастады. Алайда кепілдік мерзімі аяқталғандықтан, бюджеттен толық жөндеу жұмыстарына 15 млн теңге бөлінеді», – делінген Панфилов аудандық әкімдігінің ресми жауабында.

Екі жыл бұрын қабырғасында сызат пайда бола бастаған білім ордасының бүгінгі келбеті өзгеріссіз, биыл да нысанның керегесінде жарықтар пайда болған. Мердігер компанияның берген кепілдік мерзімі өз шегіне жеткендіктен, жергілікті әкімдік үнемделген қаржыдан 15 млн теңге бөліп, конкурс негізінде ұтып алған құрылыс компаниясы жөндеу жұмыстарын жүргізуде.

Айта кетерлігі, Алматы облысында көз алдымызда қирап жатқан бірінші мектеп емес. Бұған дейін Ескелді ауданында саңырауқұлақтың кесірінен Қаратал орта мектебі қирап, жарамсыз күйге түскен болатын. Аталмыш білім ошағы 2014 жылы қолданысқа берілген. Нысанды «Компания ПроЭксГрупп» ЖШС шамамен жарты миллионға салды. Ғимарат 100 оқушы мен 25 мектепке дейінгі балаларға есептелген.

Тегтер: білім онлайн оқу офлайн оқу қаулы

ҰҚСАС ЖАҢАЛЫҚТАР

Жарас КЕМЕЛЖАН 09:25
«Қара пимадан» «ақ макасиге» дейін
Сайт әкімшілігі 26.01.2022, 15:50
Күнде бір отбасыға үй әперейік!
Жарас ШӨКЕ 26.01.2022, 15:23
Қаңтар оқиғасын зерттейтін комиссия құрылды
Сайт әкімшілігі 26.01.2022, 00:00
Qantar 2022: Алматыдағы уақытша изолятордан 11 адам босап шықты
Нұрболат ӘЛДИБЕК 25.01.2022, 17:36
Сапарханның «отставкасын» қолдаған Сапарбаев өзіне келгенде неге үнсіз?
Сайт әкімшілігі 25.01.2022, 17:23
Зейнеп Ахметова:"Бауыржан Момышұлы 4 күн бойы жерленбей жатып қалды"

Аңдатпа


  • Байлар 30 жыл «жиып-тергенін» «Қазақстан халқына» қия ма?!
    20.01.2022, 08:50
  • Біреуге бас қайғы, біреуге «мал» қайғы
    20.01.2022, 08:49
  • Алматыны «терроризм астанасы» етпек болды
    20.01.2022, 08:48
  • Қазақстанда билік төңкеріледі - үндістандық көріпкел Арченаның айтқаны келді
    19.01.2022, 00:00
  • «Аш адам ұрысқақ келетінін» ұмытпасақ екен...
    19.01.2022, 08:48