Мүсірепов атындағы театр – Бас жүлде иегері

26.09.2019, 11:29

224

Қазақстан театрларының тарихы бастау алатын Семейде 20-25 қыркүйек аралығында өткен театрлар фестивалі мәресіне жетіп, шымылдығын түсірді. Көрнекті театр және кино актрисасы Әмина Өмірзақованың 100 жылдық мерейтойы аясында өткен ХҮІІ театрлар фестивалінде еліміздің 12 театры өнер көрсеткен болатын. Нұр-Сұлтан, Алматы, Семей қалаларымен қатар Павлодар, Маңғыстау, Солтүстік Қазақстан, Қызылорда, Шығыс Қазақстан облыстарының театрларының әртүрлі жанрдағы сахналық қойылымдарын тамашалаған көрермен үшін фестиваль басқа да ұмытылмас сәттерімен есте қалды. Театр және кино өнерінде есімдері аңызға айналған Асанәлі Әшімов пен Меруерт Өтекешовамен өткен кездесулер Әмина-Ананың атын қастерлеп қана қоймай, семейліктердің мерейін өсірді. 
Сонымен, «Үміт», «Ең үздік әйел бейнесі», «Ең үздік ер адам рөлі», «Шығармашылық жетістігі үшін», «Үздік режиссер» тағы да басқа номинация түрлері бойынша  лайықты болып танылған театр ұжымдары, талантты жастар қаржылай сыйлықтар мен марапаттауларға ие болды.
Фестивальдің Гран-При жүлдесін  «Адам-зат» драмасы үшін «Ең үздік спектакль» аталымы бойынша  Ғ. Мүсірепов атындағы Қазақ мемлекеттік балалар мен жасөспірімдер театры жеңіп алды. Шешу сәттегі басты жеңімпазды жариялаған қазылар алқасының төрағасы, КСРО және Қазақстанның халық әртісі Асанәлі Әшімов Гран-при мен 1500 000 теңгенің сертификатын театр режиссері Данияр БАЗАРҚҰЛОВҚА салтанатты түрде табыс етті.
-Қандай байқау болса да ең соңына дейін деміңді ішіңе тартып отырасың ғой. Қатты қобалжып тұрмын шынымды айтсам. Бәріміз пір тұтатын Әмина апамыздың туған жеріне — Семейге өнер сапарымен бірінші рет келіп тұрып, бас жүлдеге лайық болып шыққанымыз ерекше оқиға болды. Бұл, біздің театрдың бір биігі болды деп айтуға болады. Әрине, бұл менің жеке жеңісім емес, осы спектакльде ойнаған актер, актрисалар мен театр ұжымының жеңісі деп білемін,-дейді Д. Базарқұлов.

Тегтер:

ҰҚСАС ЖАҢАЛЫҚТАР

Әділ КЕМЕҢГЕР 15:09
Латын әліпбиі деп босқа бақырдық, ә?
Сайт әкімшілігі 13:29
Керделі ауылына көгілдір отын берілді
Тоқтар ҒАБДРЕШҰЛЫ 09:04
Шонжыны шоңқитқан Тохтасунов Оралды да оңдырмапты
Сайт әкімшілігі 25.10.2021, 11:02
Бала тууға тағайындалатын жәрдемақыны Kaspi.kz суперқосымшасында онлайн рәсімдеуге болады
Бифат ЕЛТАЕВА 25.10.2021, 09:07
Аралас некенің бәрі бақытты бола бермейді
Еркежан АРЫН 25.10.2021, 09:06
Сағынтаев ірі көлік жолайрықтарының құрылысын жеделдетуді тапсырды

Аңдатпа


  • «Ақиқаттың алдаспаны» байқауына қатысыңыз
    11:14
  • «Ақиқаттың алдаспаны» байқауына қатысыңыз
    19.10.2021, 10:30
  • Гүлшара Әбдіқалықова «Жас Алаштың» тілшісімен кездесті
    05.10.2021, 11:21
  • Ұлт құндылығының ұлағаты
    14.09.2021, 12:30
  • «Жас Алаштың» 100 жылдығы Жамбылда жалғасты
    03.08.2021, 11:01