09.12.2021, 16:24
1881
Бүгін Алматыда Қаржы нарығын реттеу және дамыту агенттігі ғимаратының алдында бір тоа адам жиналды. Олар Ұлттық банкке «несиемізді кешірсін» деген талап қойып отыр.
9 желтоқсан күні Көктем-3 шағын ауданындағы агенттік кеңсесінің жанына 50-70 адам жиналды. Олар әлеуметтік желіде қазақстандықтарға несиелік амнистия берілетіні туралы ақпарат тарағаннан кейін жиналғандарын, өтініш бермек болғандарын айтады. Күннің екінші жартысында, өтініш жазғандардың саны 600-ден асқан.
Қазір ғимарат маңында полиция қызметкерлері кезекшілік етіп жүр. Арыз жазған азаматтар өтініштерін агенттікке беріп, кетіп жатқаны хабарланды. Дегенмен, ғимаратқа жаңа келіп өтініш жазып жатқан адамдар өте көп.
Адамдар ғимараттың айналасындағы барлық аллеяларға жиналған. Олар көліктердің капотына, орындық секілді түрлі жерлерге барып қолдарынан келгенше арыз жазып жатыр.
Ұқсас материалдар: «Тәуелсіздіктің 30 жылдығына орай несие кешірілсін!»
ҰҚСАС ЖАҢАЛЫҚТАР
