23.11.2020, 13:40
811
Нұр-Сұлтанда дәмханадағы жарылыстан кейін үш адам жансақтау бөлімінде жатыр. Бұл туралы қалалық денсаулық сақтау басқармасының баспасөз қызметіндегілер мәлімдеп отыр.
Басқармадағылардың мәліметінше, олардың бірі аса ауыр жағдайда жатса, екеуі ауыр жағдайда.
Еске салайық біз бұған дейін Нұр-Сұлтандағы №1 және №2 көпсалалы ауруханаларға барлығы 23 адам жатқызылғанын, кінәлі адамның үстінен қылмыстық із қозғалғанын жазған болатынбыз.
«Науқастар дене күйіктермен, ыгаздан уланумен, түрлі жарақаттармен ауруханаға жатқызылды. Бір науқас жамбас сүйегінің жабық сынуымен травматология бөлімінде жатыр. Қалғандары комбустиология бөлімінде. Олардың жағдайы орташа ауыр, асқынусыз», — деді денсаулық сақтау басқармасының мамандары.
ҰҚСАС ЖАҢАЛЫҚТАР
