"Oyan,Qazaqstan": Елдегі саяси жүйені өзгерткіміз келеді

05.06.2019, 19:11

137

Бүгін Алматыдағы Қазақстан баспасөз клубында «Oyan,Qazaqstan» азаматтық қозғалысының құрылуына байланысты баспасөз мәслихаты өтті.

Қозғалыстың белсенді мүшесі Әсем ЖАПІШЕВА алдағы болатын сайлауды заңды деп қабылдамайтынын жеткізіп, қозғалысты құрудағы ең басты  мақсат елдегі саяси жүйені өзгерту деп түсіндірді.


«Неліктен біз өзімізді сайлауға 4 күн қалғанда таныстырып отырмыз? Себебі, жастар мен қазіргі билік басындағылардың арасында үлкен түсініспеушілік бар екенін көрсеткіміз келеді. Президенттікке үміткерлердің орташа жасы-60. Ал, Қазақстан азаматтарының орташа жасы — 30.Олар билікке ешкімді жолатқысы келмейді. Oyan,Qazaqstan азаматтық қозғалысы Қазақстанда саяси реформалардың қажеттілігі негізінде құрылған. Біздің ешқандай саяси партиялармен байланысымыз жоқ. Және өзге де саяси күштердің көмегін қажет етпейміз. Бізге кез келген ерікті азамат қосыла алады», — деді Әсем Жапішева.

Айта кету керек, азаматтық қозғалыс әлі ресми тіркелмеген. Және басқа ұйымдар сияқты көшбасшы жоқ. «Барлығымыз тең құқылы боламыз» деп атап өтті саясаттанушы Димаш АЛЬЖАНОВ.


«Біз ресми тіркелген жоқпыз. Оның қажеті бар деп те ойламаймын.Ең бастысы, біздің ҚР азаматы ретінде өз ойымызды білдіруге құқылы екенімізді ұмытпауымыз керек. Мемлекет  азаматын өз ойы болғаны үшін, митингке шыққаны үшін қамауға алмауы керек. Біздің мақсат сондай қоғам қалыптастыру», — деп түсіндірді Димаш Альжанов.
«Oyan,Qazaqstan» азаматтық қозғалысы келесі сайлауда үміткер ұсынуы мүмкін. Алайда, елдегі сайлау жүйесі өзгермей, осы қалыпта қала беретін болса ол мақсатымызға жету мүмкін емес дейді белсенді Әсем Жапішева.
Сондай-ақ, Әсем Жапішева азаматтық қозғалысқа тіркелем деушілердің қатары күннен-күнге артып отырғанын атап өтті. "Қазіргі азаматтық қозғалыстың мүшелерінің жас ерекшелігі 17-ден 60-қа дейін. Әсіресе әлеуметтік желі арқылы бізге хаттар толассыз келіп жатыр", — деді.

Айта кетейік, осы азаматтық қозғалыстың белсенді мүшелерінің бастауымен әлеуметтік желіге «Мен, ояндым!» деген ұранмен видео тараған болатын. Онда актриса мен журналисттерден бастап түрлі  жастар  бой көрсеткен. Өз ойын ашық білдіргендердің бірі Әнуар НҰРПЕИСОВ бүгінгі жиыннан да шет қалмады. 


«30 жыл ішінде біз авторитарлық жүйеде өмір сүрдік. Сондықтан, бұл елге даму үшін демократиялық өзгерістер керек екені анық. Бұндай шаралар жасыратыны жоқ үлкен қиындықтармен келеді. Менің өзіме де»тыныш жүр" деп ескерту жасайтындар табылып жатыр. Мен үшін бұл тек азаматтық борышым ғана. Ал, билікке ұмтылу әзірге ойымда жоқ. Ол уақыттың еншісінде",- деп жауап берді Әнуар Нұрпеисов.
Жиынға қатысқандар арасында «Шындықтан қаша алмайсың!» деген жазумен Алматыдағы марафон кезінде плакат ұстап шыққаны үшін 15 күнге қамауда отырып шыққан азаматтық қозғалыстың мүшелері  Әсия ТӨЛЕСОВА мен Бейбарыс ТОЛЫМБЕКОВ те болды.
Фотолар автордікі.
Тегтер:

ҰҚСАС ЖАҢАЛЫҚТАР

Еңлік АБАҒАН 04.08.2021, 13:22
Қарасай ауданы: Қоймалжың батпақ пен қою шаң
Нұрболат ӘЛДИБЕК 03.08.2021, 11:01
«Жас Алаштың» 100 жылдығы Жамбылда жалғасты
Қуаныш ӘБІЛДАҚЫЗЫ 03.08.2021, 09:25
«Естімейтін үкімет» пен екпеге сенбейтін халық
Елеусіз МҰРАТ 03.08.2021, 09:20
Еріккеннің ермегіне айналған әлеуметтік желіге тәртіп керек
Сайт әкімшілігі 02.08.2021, 14:30
Қазақстандықтар қаржы пирамидаларына 21 миллиард теңге салған
Сайт әкімшілігі 02.08.2021, 12:04
Жаңа оқу жылы онлайн бола ма, офлайн бола ма?!

Аңдатпа


  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58