Қарасай ауданы: Қоймалжың батпақ пен қою шаң

Еңлік АБАҒАН

04.08.2021, 13:22

1320

Қарасай ауданына қарасты Райымбек ауылы Алматы қаласынан он шақты шақырым жерде орналасқан. Аталған ауылдық округке қарасты «Полет» саяжайы Райымбек ауылының жоғары трассасынан екі аялдама жоғары орналасқан. Алайда осы жерден қалаға қатынау мұң болып тұр. Халық сол жерді жаяу жүруге мәжбүр. Үйден жоғарғы трассаға жету де бір мұң. Бұл туралы Қарасай ауданының тұрғыны Марита Жансерікова баяндайды.

Оның айтуынша, бұл жерде көпбалалы отбасылар, үлкен кісілер көп тұрады. Кішкентай балаларымен 1-2 шақырым жаяу жүру өте ауыр. Үйге келген қонақтар қайта алмай отыратын көрінеді. Ауыр жүктерімен трассаға жете алмайды. Ал такси шақырса бұл жаққа келмейді. Шалғай ауыл болса бір сәрі, қазіргі ғылым мен техниканың шарықтап дамыған заманында Алматының түбінде осындай ауыл бар дегенге сену қиын-ақ.

– Үлкен, ұзақ жол емес, айналдырған 1-2 шақырым жерді асфальттауға болады ғой. Ал қаладағы жап-жаңа асфальттарды аударып, қайтадан төсеп жатқандарды көргенде, одан да асфальты жоқ жерлерді неге жөндемейді деп ойлайсың. Біз бұл туралы бұрын да жазғанбыз. Бірақ біздің өтінішіміз әлі күнге дейін жауапсыз қалып отыр. Құлақ асатын ешкім жоқ, – дейді наразы тұрғын.

Онымен қоса, Алматының түбінде орналасқан бұл ауылда 1-2 шақырым жол өте нашар, кедір-бұдыр, ал көктем мен күзде батпақты. Асфальт жоқ болған соң, үйден тап-таза болып шыққан тұрғындар барар жеріне жетпей, қою шаңның астында қалатын көрінеді. Одан бөлек, осы жоғарыда айтылғандардың негізінде Қарасай ауданының әкімдігі Райымбек ауылына қарасты «Здоровье», «Полет» саяжай массивтеріндегі 1-2 шақырым жерді асфальттап берсе және бір автобус бөлсе деген тілектері де бар. Саяжай массиві деп аталғанымен, бұл жерде жаңа құрылыс көптігімен ерекшеленеді.

Тегтер: экология заң айыппұл мәселе тұрғындар

ҰҚСАС ЖАҢАЛЫҚТАР

Айтбала СҮЛЕЙМЕНҚЫЗЫ 05.08.2022, 09:24
Жұмыссыздықты төмендету - жастар саясатының басым бағыты
Сайт әкімшілігі 05.08.2022, 09:00
Мектеп формасының құны 25-30% қымбаттады
Әділ АҚЫЛБАЙ 05.08.2022, 08:28
"Жасыл Қазақстан": Су ресурстарын басқару жөніндегі жобаның берері мол
Сайт әкімшілігі 04.08.2022, 16:28
Шолақайдағы жантүршігерлік оқиға: күдікті туралы деректер айтылды
Сайт әкімшілігі 03.08.2022, 15:30
Қашықтан оқыту енгізілмейді
Сайт әкімшілігі 03.08.2022, 14:30
Қазақстанның солтүстігі Ресейге қосылуы керек деп мәлімдеген ерлі-зайыпты 5 жылға сотталды

Аңдатпа


  • Ұлттық банк пен Үкімет қымбатшылықты құрықтауға неге қауқарсыз?
    08.08.2022, 08:49
  • Баспана аспандады, азық-түлік шарықтады, үкімет өз жөнімен қалықтап жүр...
    05.08.2022, 09:17
  • АЭС-тің арты жақсы бола ма?!
    04.08.2022, 08:55
  • «Қазақстан халқына» қорынан халыққа пайда бар ма?!
    03.08.2022, 08:59
  • «Аллаһу акбар деп айқайлаған»: Жамбыл облысында сотталушы түрменің үш қызметкерін жаралады
    02.08.2022, 08:47