Қазақстан – БҰҰ: мүгедектердің құқықтарын қорғау туралы заңнама

Еркежан АРЫН

05.08.2021, 12:27

2167

        Өткен аптада мемлекет басшысының тапсырмасы бойынша еңбек және халықты әлеуметтік қорғау министрлігі «Мүгедектердің құқықтары туралы конвенцияға факультативтік хаттаманы ратификациялау туралы» мүгедектерге қатысты кемсітушілікті жоюға бағытталған заң жобасын әзірлеуде.

        Бұл құжат Қазақстан 2015 жылғы 20 ақпанда ратификациялаған мүгедектердің құқықтары туралы БҰҰ конвенциясына қосымша келісім болып табылады. Конвенцияға сәйкес, оны ратификациялаған мемлекеттер мүгедектердің өмір сүруінің тиісті деңгейін қамтамасыз ету және оларды әлеуметтік қорғау үшін заңнамалық шараларды қоса алғанда, барлық шараларды қабылдауы тиіс. Қазіргі уақытта заң жобасы мемлекеттік органдарда мақұлдау рәсімінен өтіп жатыр. Еңбек және халықты әлеуметтік қорғау министрі Ерлан Әукенов:

    – Факультативтік хаттаманы ратификациялау Қазақстан Республикасының азаматтарына өздерінің экономикалық, әлеуметтік және мәдени құқықтарын халықаралық қорғау құқығын береді. Хаттама конвенцияда бекітілген осы құқықтар бұзылған жағдайда жеке шағымдарды қарау механизмін белгілейді. Ұқсас тетіктер азаматтық және саяси құқықтар туралы халықаралық пактіде, әйелдерге қатысты кемсітудің барлық түрлерін жою туралы конвенцияда және нәсілдік кемсітудің барлық түрлерін жою туралы конвенцияда қарастырылған, – деді.

      Факультативтік хаттаманы ратификациялағаннан кейін тараптар БҰҰ-ның мүгедектер құқығы жөніндегі комитетінің конвенция бойынша құқықтарының бұзылғаны туралы жеке немесе топтардың шағымдарын қарау құзыретін мойындауға келіседі. Комитет қатысушы мемлекеттен ақпарат сұрай алады және оған ұсыныстар бере алады. Сонымен қатар тараптар комитетке конвенцияда бекітілген құқықтардың «өрескел немесе жүйелі түрде бұзылуын» зерттеуге, хабарлауға және ұсынуға рұқсат бере алады. Заң жобасын қабылдау теріс әлеуметтік-экономикалық және құқықтық салдарға әкеп соқтырмайды және республикалық бюджеттен қосымша қаржылық шығындарды талап етпейді. Мүгедектердің құқықтары туралы конвенция мен Мүгедектердің құқықтары туралы конвенцияға факультативті хаттаманы БҰҰ  2006 жылдың 13 желтоқсанында барлық адам құқықтары мен негізгі бостандықтарын толық және тең пайдалануға жәрдемдесу, қорғау және қамтамасыз ету үшін қабылдады. Барлық мүгедектермен және олардың қадір-қасиетін құрметтеуге ықпал етуге бағытталған.

         Қазіргі уақытта 97 мемлекет конвенцияға қатысушы болып табылады, оның ішінде көршілес елдер – Әзірбайжан, Армения, Моңғолия және Украина бар.

Тегтер:

ҰҚСАС ЖАҢАЛЫҚТАР

Сайт әкімшілігі 16:07
Экс премьер-министр Серік Ахметов жазасын өтеп шықты
Сайт әкімшілігі 12:00
Маминге "Алтын-Емел" және "Шарын" ұлттық саябақтарын дамыту тұжырымдасы таныстырылды
Сайт әкімшілігі 11:09
Бас санитар дәрігердің жаңа қаулысы шықты
Сайт әкімшілігі 09:51
Павлодарда киімі үшін оқушыны қорлаған мектеп директоры жазаланды
Сайт әкімшілігі 09:30
49 адам коронавирус пен пневмониядан қайтыс болды
Сайт әкімшілігі 09:20
Қазақстанда 8 облыс "қызыл" аймақта

Аңдатпа


  • Ұлт құндылығының ұлағаты
    14.09.2021, 12:30
  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39