Қазақстан Қарулы күштері: НАТО-мен ынтымақтастық

Еркежан АРЫН

10.04.2021, 15:36

658

1994 жылы НАТО Солтүстік Атлантикалық Альянсқа кірмейтін Орталық Азия елдерімен әскери ынтымақтастық бағдарламасын бастаған болатын. Қазақстан үшін бұл «Бейбітшілік үшін серіктестік» бағдарламасы бірлескен жаттығуларға қатысу, бітімгершілік операцияларын жүргізу тәжірибесімен алмасу арқылы ұлттық бітімгершілік әлеуетті дамыту құралы ретінде қызмет етеді.

«Дала қыраны» бітімгершілік жаттығуы американдық, британдық, қырғыз және тәжік әскери қызметкерлерінің қатысуымен жыл сайын өткізіледі. Бұл мүмкіндікті бітімгершілік күштерін халықаралық операцияларға практикалық қатысуға дайындаудың маңызды да ажырамас элементі ретінде қарастырсақ болады. 2019 жылы жаттығу Қазақстандағы «Илийский» полигонында өтті. 2020 жылы да жаттығу жоспарланған болатын, бірақ коронавирусқа байланысты биылғы 2021 жылға ауыстырылды, Қазақстанда өтеді.

Қазақстанның Қарулы Күштері АҚШ-пен қандай ынтымақтастық орнатуда бітімгершілік дайындық, әскери білім беру және оқыту, тиісті оқу орталықтары мен мекемелерінің әлеуетін күшейту бағыттарына басымдық береді. АҚШ-пен ынтымақтастықтың нәтижесінде «Қазбат» бітімгершілік бөлімшесін «Балға» армия жолсыз көліктерімен, «Хуэй» көп мақсатты тікұшақтармен, радистанциялармен және басқа да қажетті жабдықтармен қамтамасыз етілді. Бітімгершілік оқу орталығын, Берег инженерлік оқу орталықтарын және Әскери медицина орталығын жаңарту және дамыту бойынша жобалар сәтті жүзеге асырылуда.

Қарулы Күштердің бітімгершілік операцияларға қатысуын медициналық бөлімшелерді, инженерлерді, әскери полиция мен басқаларды жіберу арқылы кеңейту жоспарларын ескере отырып, бұл бағыттардағы өзара әрекеттесу ерекше өзекті болып табылады.

Соңғы жылдары Қазақстан-Әмірліктердің әскери ынтымақтастығы айтарлықтай серпін алып келеді. БАӘ тарапы Қазақстан армиясының жауынгерлік әлеуеті мен техникасын дамытуға үнемі көмек көрсетеді. Мәселен, Біріккен Араб Әмірліктері Қазақстанға көліктер мен әскери техникаларды тегін берді. Әскери білім беру саласында да ынтымақтастық орнатылуда. 2020 жылдың күзінен бастап әмірлік әскери қызметшілері Қазақстанның тұңғыш президенті Елбасы атындағы Ұлттық қорғаныс университетінде орыс тілі курсын оқиды. Сондай-ақ Қазақстан мен басқа елдер арасындағы қорғаныс саласындағы ынтымақтастықтың басқа да маңызды жобалары көп. Мысалы, Түркиямен, Қытаймен, Үндістанмен, Пәкістанмен, Франциямен, Италиямен, Германиямен. Жақында Израиль, Корея, Жапония және Катармен ынтымақтастық жандана түсті. Бұдан бөлек, Өзбекстанмен, Қырғызстанмен, Тәжікстанмен байланысты нығайтуға, Түркіменстанмен байланыс орнатуға үлкен мән берілуде. Қазақстан Қорғаныс министрлігі ұлттық және ұжымдық қауіпсіздікті қамтамасыз ету үшін әскери ынтымақтастықты дамытуды жалғастыруда.

Тегтер:

ҰҚСАС ЖАҢАЛЫҚТАР

Еңлік АБАҒАН 17:50
Әкімдіктен қайран жоқ, Алматы облысында үшем тапқан ана балаларына пана таппай жүр...
Сайт әкімшілігі 11:20
Ұлттық халық санағының алғашқы нәтижелері баяндалды
Сайт әкімшілігі 10:24
КВИ: Науқастар саны қайта өсіп келеді
Сайт әкімшілігі 07.12.2021, 18:40
Тоқаев рақымшылық туралы заңға қол қойды
Сайт әкімшілігі 07.12.2021, 09:43
Ақмола облысында ауыл тұрғыны көлікке оқ жаудырды
Сайт әкімшілігі 06.12.2021, 14:40
Мұғалімдердің жалақысы қысқара ма, БҒМ пікір білдірді

Аңдатпа


  • «Жас Алаш» пен жаңа ұрпақ
    12:29
  • Жастармен бірге тыныстайтын басылым
    30.11.2021, 18:08
  • "Жас Алашқа" жазылуды ұмытпаңыз!
    23.11.2021, 10:20
  • Қайта түлеуге қадам басқан Майқұдық
    22.11.2021, 14:03
  • «Жас Алашты» ауыл кітапханасына жаздырып бердім
    16.11.2021, 10:00