#Qazaqstan30: Тарихи тұлғалар бейнесі

Еркежан АРЫН

20.06.2021, 17:00

1046

Еңбекшіқазақ ауданында мерейтойлық даталарға байланысты жыр алыбы Жамбыл Жабаев пен ақиық ақын Мұқағали Мақатаев, сонымен қатар, мемлекет қайраткері Дінмұхаммед Қонаев бейнеленген муралдар пайда болды. Суреттер Еңбекшіқазақ ауданы Есік қаласындағы көп қабатты үйлердің қабырғаларына салынды.

Бұл «ескерткіштер» еліміздің Тәуелсіздігінің 30 жылдығына, Ж. Жабаевтың 175 жылдығы мен М. Мақатаевтың 90 жылдығына арналып жасалып отыр. Муралдар қазақ тарихында сүбелі еңбегі бар тұлғаларды  ел жадында жаңғырту мақсатында салынған. 

Бұл шығармашылық жұмысты бұған дейін Алматы облысы мен Алматы қаласында үй қабырғаларына 50-ден астам бейнелер салған суретші Александр Романов орындады. Ол — ойшыл ақын Абай Құнанбайұлының, хан батыры атанған Қабанбайдың муралдарын бояуымен бейнелеген танымал суретші. Бұл суреттер Алматы облысы Үшарал қаласындағы көп қабатты үйлердің қабырғаларынан көрініс тапқан. Енді Еңбекшіқазақ ауданының әкімі Ә. Жақанбаевтың қолдауымен қылқалам шеберінің көшедегі суреттері Есік қаласының биік үйлерінің қабырғасына көрік беріп тұр. Нақтылай кетсек, қабырғадағы суреттерге шебер 265 сағатын және 60 кг бояу жұмсаған.

Сонымен қатар, биыл күзде Алматы облысында ақиық ақын Мұқағали Мақатаевтың 90 жылдығы ерекше аталып өтпек. Қазір өңірде мерейтойға дайындық жұмыстары жүріп жатыр. Қазіргі уақытта ақынның кіндік қаны тамған Қарасаз ауылындағы мәдениет үйі мен музейі ағымдағы жөндеуден өтті. 1600-ден аса жәдігер сақталған мұражайдың ішінде жаңарту жұмыстары жүргізілді. Сонымен қатар, ауылға ауыз су тартыла бастады. Елді-мекен көшелеріне асфальт төсеу жоспарланып отыр. Жарықшамдар да орнатылмақ. Ал, Райымбек ауданының орталғы Нарынқолда екі бірдей саябақ ашылып, ақын Мұқағали Мақатаевтың тұлғаның ескерткіші орнатылады. Нұржан Құдайбергенов, Райымбек ауданының әкімі:

— Ескерткіш құрылысы 30 пайызға бітті. Сонымен қосымша ескерткіштің төңірегіндегі абаттандыру жұмыстары жасалып отыр. Толығымен ескерткіштің өзі абаттандырылуы тамыздың отызына дейін аяқталатын болады, — дейді.

Тегтер: #Qazaqstan30

ҰҚСАС ЖАҢАЛЫҚТАР

Қуаныш ӘБІЛДАҚЫЗЫ 08:40
Балалар жылында балалар неге шеттетіледі?
Сайт әкімшілігі 18.05.2022, 12:15
Ташкентке Алматыдан пойыз қатынайды
Әділ АҚЫЛБАЙ 18.05.2022, 06:15
Парадокс! Қырғыз құрлы болмадық...
Жарас КЕМЕЛЖАН 17.05.2022, 12:40
Қазаққа кім қымбат?
Сайт әкімшілігі 17.05.2022, 10:30
Тілдің болашағы талқыланды
Жарлы БАЙҒАНИН 17.05.2022, 05:08
«Құдай маған форточкадан береді»

Аңдатпа


  • Қалтырауық үкімет
    18.05.2022, 06:20
  • Қонаев кімнен кем, кімнен артық еді?
    18.05.2022, 06:17
  • Парадокс! Қырғыз құрлы болмадық...
    18.05.2022, 06:15
  • «Құдай маған форточкадан береді»
    17.05.2022, 05:08
  • Халықты тонаудың бір әдісі
    17.05.2022, 05:13