Қазақстанда әскери қызметшілерді SMS арқылы шақыру басталады

Еркежан АРЫН

11.03.2021, 07:00

592

Пандемия жағдайында адамдар арасындағы байланыстарды азайту үшін әскерге көктемгі шақыру SMS арқылы жүзеге асырылатын болады.

Әскерге шақыру науқаны кезеңінде мерзімді әскери қызметшілерге уақтылы хабарлау мәселелері толық шешілмегендіктен, осындай шешім қабылдап отырған көрінеді. Яғни мерзімді әскери қызметшілерді сәйкестендіруді жеңілдетуге және оларды SMS хабарламалары арқылы уақтылы хабарлауды қамтамасыз етуге мүмкіндік беретін электрондық үкіметтің мәліметтер базасымен интеграциялау жұмыстары жүргізіліп жатыр.

Мысалы, ресми статистикаға сүйенсек, 2020 жылы шамамен 34 мың қазақстандық әскери қызметке шақырылды. Олардың әрқайсысына шақырту жіберу уақыт алады. Сондықтан хабарлама жіберу турасын айтқанда, тиімдірек көрінеді.

18-27 жас аралығындағы әскери қызметке шақырылған он үш жарым мыңнан астам адам көктемгі шақыру кезінде Қазақстанның Қарулы Күштерінің, басқа да әскерлері мен әскери құрамаларының қатарына қосылады. Қорғаныс істері жөніндегі департамент әскерге шақыруды осы жылдың 1 шілдесінде аяқтамақ. ҚР Қарулы Күштері Бас штабының ұйымдастыру-жұмылдыру жұмыстары бөлімінің бастығы полковник Сәкен Жүсіпов:

«Биыл әскерге шақырылуға тиісті азаматтарды хабардар етудің жаңа әдісі қолданылады. Пандемия жағдайында байланыстарды азайту үшін Цифрлық даму, инновациялар және аэроғарыш өнеркәсібі министрлігінің 1414 сервистік қызметі SMS хабарламаларды пилоттық режимде жүргізеді», — деді.

Сондай-ақ мерзімді әскери қызметшілерді ПТР зерттеу екі рет жүргізіледі: шақыру кезінде және әскери бөлімдерге келген кезде жиналу орындарында. Әскери қызметшілерді вакцинациялау кезекші пункттерде ұйымдастырылады.

Қарулы Күштер Бас штабының бастығы, генерал-лейтенант Мұрат Бектанов:

— Жалпы, өткен жылғы барлық қиындықтарға, проблемаларға және келіспеушіліктерге қарамастан, біз әскерге шақыртуға байланысты барлық міндеттерді шештік.  Ең бастысы, біз тәжірибе жинадық, болашақта тиімді жұмыс істеуге мүмкіндік беретін қажетті дағдылар алдық.

Мұрат Бектанов, сонымен қатар, әскерге шақыру алдындағы жастарды әскери-патриоттық тәрбиелеу бойынша жұмысты күшейту қажеттілігіне назар аударды, бұл қазақстандық армияның беделінің өсуіне және әскери қызметке деген ынталардың артуына ықпал ететіні анық.

Тегтер:

ҰҚСАС ЖАҢАЛЫҚТАР

Бифат ЕЛТАЕВА 03.12.2021, 11:30
Инстаграмның жетегінде кетпейік
Сайт әкімшілігі 03.12.2021, 10:30
Халыққа бермеудің амалы ма? Зейнетақы жинағын алу: жеткілікті деңгей екі есе өседі
Сайт әкімшілігі 03.12.2021, 08:44
«Әйелдерге қатысты зорлық-зомбылықсыз 16 күн» акциясы өтуде
Сайт әкімшілігі 02.12.2021, 12:44
Kaspi.kz мобильді ақша аударымына байланысты сұрақтарға жауап береді
Сайт әкімшілігі 01.12.2021, 13:00
Шымкентте жалдамалы пәтерден 22 жасар қыздың мәйіті табылды
Айтбала СҮЛЕЙМЕНҚЫЗЫ 01.12.2021, 09:20
Қазақ-түрік лицейлерінің орнын немен толтырамыз?

Аңдатпа


  • 14 мыңнан аса сотталушы босатылады, Сенат рақымшылық заңын қабылдады
    02.12.2021, 15:50
  • Жастармен бірге тыныстайтын басылым
    30.11.2021, 18:08
  • "Жас Алашқа" жазылуды ұмытпаңыз!
    23.11.2021, 10:20
  • Қайта түлеуге қадам басқан Майқұдық
    22.11.2021, 14:03
  • «Жас Алашты» ауыл кітапханасына жаздырып бердім
    16.11.2021, 10:00