Қытайда қамалған қазақ елге оралды

06.07.2018, 00:42

69

Шыңжаң Ұйғыр автономиялы ауданына сапарлап барған кезде үйқамаққа алынып, артынша саяси үйрену орталығына тоғытылған Қазақстан азаматы Гөзәлнұр ЖЕҢІСҚАЗЫ елге қайтып оралды. Бұл туралы «Жас Алашқа» оның жолдасы Жеңіснұр АЯТХАН хабарлады.– Ақпарат құралдарына әйелім жайлы сұхбат беріп, басымыздағы оқиғаны баяндаған соң, Бейжіңдегі Қазақстан консулдығынан хабарласып, қол ұшын қолын созған еді. Сыртқы істер министрлігі араласып, әйелімді қамаудан босатып, бүгін, шілденің 5-і күні Астанаға ұшақпен жеткізді. Ертең, шілденің 6-сы күні Алматыға келмек. Қазақстанға келген соң, әйеліммен телефон арқылы хабарластық, денсаулығы жақсы. Бірақ қорқып қалған, ақпарат құралдарына сұхбат бермеймін деп бірден кесіп айтты. Сол жақта «шулатсаң, осындағы туыстарына қиянат жасаймыз» деп қорқытып қойған болуы керек. Шыңжаңда туыстары, туған әпкесі тұрады. Оның үстіне сыртқы істер министрлігі араласып жатқан күннің өзінде, әйелім маусымның 22-сінен шілденің 1-і аралығында саяси үйрену орталығына қамалған.«Жас Алаш» бұған дейін 2016 жылдың маусымында Шыңжаң өлкесінің Құтыби ауданына жұмыс бабымен барған Гөзәлнұр Жеңісқазының үйқамаққа алынғаны жөнінде жазған еді. Әйелі қамауға алынғалы бері екі және төрт жастағы балаларын өзі бағып отырған Жеңіснұр Аятхан бізге берген сұхбатында басына түскен тауқыметті баяндап, анасыз бала өсіруді тозаққа теңеген болатын.З.ЖЫЛҚЫБЕК.Сурет Жеңіснұр Аятханның жеке мұрағатынан алынды. 
Тегтер:

ҰҚСАС ЖАҢАЛЫҚТАР

Еркежан АРЫН 17:16
Қорқытып, айыппұл салмай, құқық бұзушылықтың алдын алу керек
Сайт әкімшілігі 10:57
Бір тәулікте коронавирус жұқтырғандар саны мыңнан асты
Сайт әкімшілігі 09:11
Дәрігер коронавирустың жаңа асқыну белгілерін айтты
Сайт әкімшілігі 09:07
24 875 адам короновирус инфекциясынан емделуде, 294 науқастың жағдайы ауыр
Арайлым ЕРКЕБАЕВА 16.01.2021, 16:10
Ковид өршіп тұрғанда мектеп асханаларын ашу қаншалықты негізді?
Бифат ЕЛТАЕВА 15.01.2021, 09:03
Орыс мектептерінде қазақ тілінің жайы қалай?

Аңдатпа


  • Бір тәулікте коронавирус жұқтырғандар саны мыңнан асты
    10:57
  • Жұрт жадындағы Жолдасбек
    10.01.2021, 00:33
  • «Жас Алашым» – жастық шағым
    15.01.2021, 10:07
  • Қуат Хамитов: Қазағы көп жерге кетіп барамын
    14.01.2021, 13:01
  • «Әр таңымызды үреймен қарсы аламыз» (видео)
    14.01.2021, 11:41