Қытайдағы қандастарға халық болып араша түсу керек

24.04.2018, 17:25

142

Бүгін Алматыда Қытай Халық Республикасындағы қазақ мәселесіне қатысты қоғамдық тыңдау басталды. Оған қоғам қайраткерлері, саясаткерлер мен зиялы қауым өкілдері бас қосты. Сондай-ақ, Қытайда туған-туыстары қысым көріп жатқандар сөз алды. Бұл туралы zhasalash.kz сайтының тілшісі хабарлайды.

БАҚ-да Қытайдағы қазақтардың қысым көріп жатқандығы туралы мәлімет былтырғы жылдан бері тарап жатыр. Бұл проблемадан президент Нұрсұлтан НАЗАРБАЕВ ТА хабардар. 2017 жылы 23 маусымда Астанада өткен Дүниежүзі қазақтарының V құрылтайында Германиядан келген қазақ Қытай үкіметінің қазақтарға қысым жасап, құқықтарын таптап жатқанын айтқан. Сол кезде президент бұл мәселені СІМ-не тапсырған еді. Алайда, ҚХР-ғы қудалаулар тоқтар емес.2018 жылы 30 наурыз күні бір топ қандасымыз Алматы қаласы әкімдігіне барып бейбіт шеруге рұқсат сұраған еді. Олар ресми Бейжіңнің саясаты кесірінен туған-туыстарынан ажырап қалғандарын айтқан-ды. Кейбірі тіпті ет жақындарының жазықсыз түрмеге қамалғанын хабарлаған. Бұл туралы zhasalash.kz тілшісі Зере ЖЫЛҚЫБЕК жазған.Бүгінгі бас қосуға Серікболсын ӘБДІЛДИН, Әміржан ҚОСАНОВ сынды саясаткерлер, Қабдеш ЖҰМӘДІЛОВ, Темірхан МЕДЕТБЕК сынды қаламгерлер болды. Қоғамдық тыңдау болғандықтан ба СІМ я болмаса жергілікті билік өкілдері төбе көрсеткен жоқ. Аздаған тәуелсіз БАҚ журналисттері ғана болды. Қазақстандық бірде-бір арналар келмеді.-Қазақстанда осындай бір жиын өтті деп қытай өз саясатын өзгерте қоймайды. Біз билікке талап қоюымыз керек. Көшті күшейтіп жат елдегі бауырларымызды елге көшіріп алып келуіміз тиіс.ЭКСПО сияқты пайдасы аз шараға қыруар қаражат жұмсадық қой. Сол ақшаларды шекараның арғы жағында қалған ағайынға жұмсайық. Оларды көшіріп алу үшін экономикалық тұрғыдан да стимул беру қажет. Қазір орыстың Галкин мен Пугачевасына мыңдаған доллар беріп шақыртатын байлар бар. Солар қандастарымызға атамекенінен баспана салып берсін. Біздің Сыртқы істер министрі мінез көрсетуі ләзім. Бұға берсең сұға береді деген сөз бар. Артында ел барын сезінетін уақыт жетті ғой. Кеше армян халқы көшеге шығып үкімет басшысын орнынан алып тастады. Қытайдағы бауырларымызға шын жанымыз ашыса бізге де қоғамдық қозғалыс керек,- деді саясаткер Әміржан ҚОСАНОВ.   

Фото: zhasalash.kz

  
Тегтер:

ҰҚСАС ЖАҢАЛЫҚТАР

Сайт әкімшілігі 09:20
Коронавирустен емделіп жатқан 790 адамның жағдайы ауыр
Сайт әкімшілігі 09:12
COVID-19: қайтыс болғандар жөнінде ақпарат шындыққа сәйкес келмейді
Еркежан Арын 07.05.2021, 09:02
Сот жүйесіне жасанды интеллектінің көмегі бола ма?
Бейсенғазы ҰЛЫҚБЕК 07.05.2021, 08:49
«Жас қазақ» әні қалай туған?
Арайлым ЕРКЕБАЕВА 06.05.2021, 13:34
Көпбалалы отбасыны орталықтар шынымен қолдай ала ма?
Сайт әкімшілігі 06.05.2021, 10:32
Бауыржан Байбектің өкілі Мамайға қатысты азаматтық іс қалай жүріп жатқанын айтты

Аңдатпа


  • Сүйегі табылған қазақ сарбазының жақындары іздестірілуде
    07.05.2021, 09:09
  • Марат ТОҚАШБАЕВ: Саясаттағы тоқырау экономикалық тоқырауға соқтырды
    06.05.2021, 09:21
  • Жалақорға жауап
    06.05.2021, 09:09
  • «Олар ұлт сатқындары!»
    29.04.2021, 09:06
  • Орыс қазақтың ішер асына дейін жармасқалы отыр
    29.04.2021, 08:56