Сарапшылар депутаттардың рейтингіне қатысты пікір білдірді

Сайт әкімшілігі

10.06.2021, 12:34

1298

Белгілі саяси сарапшылар Расул Жұмалы және Меруерт Тулебаева «Nur Otan» партиясының депутаттық корпусты кешенді бағалаудың бірыңғай жүйесін енгізу туралы бастамасына қатысты өз ойларымен бөлісті. Расул Жұмалының пікірінше, депутаттардың жұмысын күнделікті бақылауға қатысты еліміздегі тәжірибе көңіл көншітпейді. Нәтижесінде қоғамда депутат болғандар 4 жыл бойы емін-еркін отырады деген түсінік басым. Депутаттың артылған үлкен жауапкершілікке лайық екендігін қоғамның өзі анықтап отырғаны абзал. 

«Осы ретте «Nur Otan» партиясы депутаттардың рейтингісін енгізгені талайдан бері айтылып келе жатқан ойдың іс жүзінде көрініс тапқаны. Әрине, бұл қаншалықты әділ бағалау болатынын уақыт көрсете жатар. Бірақ рейтингтің ашық әрі тексеруге болатын нақты 15 критериден тұратыны оның шынайылығын арттырары сөзсіз. Екіншіден, депутат тек партия басшылығы емес, елдің алдында жауап береді. Яғни бұрынғыдай қабылдауын иә жазған хатқа жауабын күтіп отырмай жаңа жүйе оның не істеп не тындырғанын тікелей бақылауға мүмкіндік береді. Үшіншіден және бастысы – халық қалаулысы аталады екен осы лауазым иелері сол халықтың алдында есеп береді», -деген Расул Жұмалы депутаттық – жоғары мансапта шалқып отыру емес, қажырлы да адал еңбек пен ел сенімін ақтауды меңзеу екенін айтты. 

Өз кезегінде, саясаттанушы Меруерт Тулебаева «Nur Otan»-ның депутаттық корпусты кешенді бағалаудың бірыңғай жүйесін енгізуін жергілікті деңгейдегі мәселелерді шешуде жауапкершілік осы партияның мүшелері қатарынан сайланған депутаттарға жүктелетіндігімен байланыстырды.

«Ұсынылып отырған «Депутаттар қызметінің рейтингін қалыптастыру» ел азаматтарының депутаттық өкілеттіктерін белсендірек әрі неғұрлым жоғары кәсіби деңгейде атқаруға, сондай-ақ «Nur Otan» партиясының Жарғысында, Доктринасында және Сайлауалды бағдарламасында айқындалған мақсаттар мен міндеттерді орындауға көмектесуі тиіс деп ойлаймын», — деді ол. 

Еске сала кетейік, күні кеше «Nur Otan» партиясы Төрағасының бірінші орынбасары Бауыржан Байбек партияның Саяси кеңесі Бюросының биылғы 2 маусымдағы қаулысымен Депутаттар қызметінің рейтингін қалыптастыру ережесі бекітілгенін мәлімдеген еді. Ереже үш блокқа біріктірілген 15 критерийді қамтиды: қоғамдық-саяси қызмет, медиа белсенділік, сондай-ақ партиялық жауапкершілік. Бауыржан Байбектің айтуынша, заманауи рейтингтік технологияларды енгізу депутаттардың жол карталарын іске асыруға жеке жауапкершілігін арттырып, нұротандықтарды халықпен жүйелі және нәтижелі жұмыс істеуге бағыттайды. Сонымен қатар 1 қыркүйектен бастап азаматтар үшін жергілікті жерлердегі депутаттардың қызметі, бастамалары мен сауалдары туралы ақпаратқа ашық қолжетімді болатын және «Nur Otan»-нан сайланған халық қалаулыларына өзекті мәселелер бойынша тікелей жүгіну мүмкіндігі қамтылған арнайы интернет-платформа іске қосылады.

Тегтер:

ҰҚСАС ЖАҢАЛЫҚТАР

Сайт әкімшілігі 24.09.2021, 19:47
Байбек: Nur Otan-ның сайлауалды уәделері өңірлерде 14%-ке іске асырылды
Қуаныш ӘБІЛДАҚЫЗЫ 24.09.2021, 13:06
Баланың мұңын кім тыңдайды?
Жарлы БАЙҒАНИН 24.09.2021, 10:08
Солтүстік қазақылана бастады
Әдина ЕРҚАРАЕВА 23.09.2021, 17:30
Құл ететін құмар ойындар
Айтбала СҮЛЕЙМЕНҚЫЗЫ 22.09.2021, 15:40
Абай жаққан бір сәуле сөнбеу үшін...
Қуаныш ӘБІЛДАҚЫЗЫ 22.09.2021, 14:20
Аралас мектептер азаюдың орнына артып кетті. Неге?

Аңдатпа


  • Ұлт құндылығының ұлағаты
    14.09.2021, 12:30
  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39