Сенат сот жүйесін жаңғырту бойынша заңдарға түзетулер қабылдады

Еркежан АРЫН

30.03.2021, 11:00

801

Сот жүйесін жетілдіру және сотқа халықтың сенімін нығайту мәселелері билік үшін өзекті мәселелердің бірі екені рас. Сондықтан осы бағытта ел Парламенті Сенатының VII сессиясын біршама сұрақтар қаралды. Парламентшілер бастамашылық еткен бұл сессия «Қазақстан Республикасының сот жүйесі мен судьяларының мәртебесі туралы» Конституциялық заңға, Әкімшілік құқық бұзушылық туралы кодекске және сот жүйесін модернизациялау жөніндегі басқа да заңнамалық актілерге өзгерістер мен толықтырулар жаңартуға бағытталған. 

Уақыт өткен сайын, жаңа, алдын ала болжалмаған жағдайлар туындауы мүмкін. Сондықтан да әр жүйенің жаңарып, заманына сай өзгеріске еніп тұруы да заңды құбылыс.

Мәулен Әшімбаев ел Президентінің сот жүйесі жабық болмауы керек және маңызды модернизация қажет ететіндігін ерекше атай кеткен болатын. Қаралып жатқан заң жобалары сот төрелігін жүзеге асыру жүйесін одан әрі жетілдіруге бағытталған. Солардың ішінде Жоғарғы Соттың жұмысына білікті және мықты мамандарды сот жүйесінде тиісті тәжірибесіз тартуға мүмкіндік беретін жақтары да қарастырылып жатқан көрінеді.

«2021жылдың 1 шілдесінен бастап елімізде әкімшілік сот төрелігі институты жұмысын бастайды. Оның аясында азаматтардың құқықтарын одан әрі қорғаудың жаңа кепілдіктері мен тетіктері қабылданатын болады. Осы институттың әлеуетін толығымен пайдалану үшін Жоғарғы Сотта әкімшілік істер жөніндегі жаңа сот алқасы құрылады. Жалпы, бұл заңдар сот жүйесінің ашықтығы мен тиімділігіне оң әсер етеді деп ойлаймыз», — деді Мәулен Әшімбаев.

Сонымен бірге, осы сессияның отырысында депутаттар тағы екі заң жобасын қарап, қабылдады. Кеден одағына мүше мемлекеттердің кеден қызметтерінің бірлескен алқасы туралы шартқа өзгерістер енгізу туралы хаттаманы ратификациялау Еуразиялық экономикалық одаққа мүше мемлекеттердің кеден органдары арасындағы өзара іс-қимылды неғұрлым нақты және тиімді үйлестіруге ықпал етеді. Батып кеткен кемелерді жою туралы 2007 жылғы Найроби халықаралық конвенциясының басты мақсаты — батып кеткен кемелерді тиімді жою және теңіз апатының салдарын жеңілдету үшін бірыңғай ережелер мен рәсімдерді анықтау.

Сот өндірісінің транспаренттілігі, немесе басқаша айтқанда, сот жүйесінің ашықтығы, жариялылығы және қол жетімділігі қағидаты — республикамыздағы демократиялық, заңды және әділ сот төрелігінің процессуалдық кепілдерінің бірі. Бұдан шығатыны, әр азамат толық теңдік негізінде соттың тәуелсіздігі мен әділдігін талап етуге құқылы.

Сот өз қызметінің ашықтығын қамтамасыз ете отырып, Қазақстан азаматтарының объективті ақпарат алуға конституциялық құқығын жүзеге асырып қана қоймай, азаматтық қоғам құрылысына үлес қосады, сонымен бірге сот билігінің беделін айтарлықтай күшейтеді, сот жұмысының сапасын арттырады. Сондықтан да билік тарапынан сот жүйесіне бөлініп жатқан ерекше назары орынды.

Тегтер:

ҰҚСАС ЖАҢАЛЫҚТАР

Еркежан АРЫН 12:27
Қазақстан – БҰҰ: мүгедектердің құқықтарын қорғау туралы заңнама
Сайт әкімшілігі 11:19
ҚазҰУ-дағы жатақхана құрылысының анық-қанығы
Қарлығаш ЗАРЫҚҚАНҚЫЗЫ 08:40
Бекшин мен Қиясовтың қаулысы елді індеттен құтқара ма?
Еңлік АБАҒАН 04.08.2021, 13:22
Қарасай ауданы: Қоймалжың батпақ пен қою шаң
Нұрболат ӘЛДИБЕК 03.08.2021, 11:01
«Жас Алаштың» 100 жылдығы Жамбылда жалғасты
Қуаныш ӘБІЛДАҚЫЗЫ 03.08.2021, 09:25
«Естімейтін үкімет» пен екпеге сенбейтін халық

Аңдатпа


  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58