Шымкентте жаңа Әкімшілік соты қызметін бастайды

Қ.Дүйсенби

26.04.2021, 10:40

914

Ел Президентінің 2021 жылғы 26 қаңтардағы «Мамандандырылған әкімшілік соттар туралы» Жарлығына сәйкес,  биылғы 1 шілдеден бастап, елімізде 21 аудан-аралық әкімшілік сот жұмыс істейтін болады. Солардың қатарында, Шымкент қаласының жаңадан құрылған Мамандандырылған ауданаралық әкімшілік соты да  өз жұмысына кіріседі. Ал, қазіргі қаладағы Мамандандырылған әкімшілік соттың атауы Шымкент қаласының Әкімшілік құқық бұзушылықтар жөніндегі мамандандырылған ауданаралық соты болып өзгертіліп, өзінің жұмысын бұрынғысынша жалғастыра береді.

Бұдан 10-15 жылдай бұрын ТМД елдерінің барлығында Әкімшілік әділет жүйесі құрылып жұмыс істеуде. Ол елдерде мұндай әкімшілік әділеттілік жүйе заң үстемдігінің, мемлекеттік басқарудың және әкімшілік құқықтың маңызды сипаты болып саналады екен.

Сарапшылардың айтуына қарағанда: «Әкімшілік әділет азаматтардың барлық сындарлы өтініш-тілектерін жедел әрі тиімді қарастыратын «Халық үніне құлақ асатын мемлекет» тұжырымдамасын іске асыруға ықпал етеді. Бұл дегеніміз – әкімшілік іс қаралғанда  дәлелдемелерді жинақтау міндеті жеке азаматқа емес, мемлекеттік органға жүктеледі деген сөз. Заңнамадағы барлық қарама-қайшылықтар мен дүдәмал тұстар азаматтардың мүдделерін ескере отырып, түсіндірілуі тиіс болады» — дейді олар.

Ағымдағы жылдың 17-18 маусым күндеріЖоғарғы Сот Төрағасы Жақып Асанов әлеуметтік желі арқылы орталық және жергілікті атқарушы органдар үшін республикалық семинар өткізіп, жаңа Әкімшілік рәсімдік-процестік кодекстің ережелерін түсіндірді. Төраға елдің дамуындағы ӘРПК-нің маңыздылығына тоқталып, жаңа Кодекс жеке азаматтар мен бизнестің әкімшілік органдармен дауларды шешу тәртібін реттейтінін атап өтті. Одан әрі ол өз сөзінде: «Кодекс соттармен қатар барлық мемлекеттік органдардың қызметінде көп нәрсені өзгертеді. Заң талаптарын жеткілікті түсінбеу үлкен қателіктерге әкеп соқтырады. Сіз іргелі жоспары, жаңашыл идеялары бар тиімді менеджер болғаныңызбен, ӘРПК-нің талаптарын елемесеңіз, егер оған тиісті деңгейде мән бермесеңыз, мұны қарапайым орындаушылардың міндеті деп есептесеңіз, онда қиындықтарға кез боларыңыз анық», — деп ескертті.

Осы орайда, бір жылдан бері Шымкенттегі аудандық, қалалық соттардың тарапынан жаңа Кодекстің негізгі ережелерін халыққа түсіндіру мақсатында республикалық және жергілікті бұқаралық ақпарат құралдары мен әлеуметтік желілерде насихат жұмыстары тұрақты түрде жүргізіліп келгенін айтқым келеді.

Жалпы жаңа ӘРПК әкімшілік актіні қабылдау бойынша өкілеттік берілген әкімшілік органдар үшін жауапкершіліктер жүктейді және азаматтардың құқықтары мен мүделерінің жүзеге асырылуына толықтай ықпал ететіндігін ескере отырып, баршаңызға «Іске сәт!» деймін!

Тегтер:

ҰҚСАС ЖАҢАЛЫҚТАР

Сайт әкімшілігі 14:15
Қазақстан халқының саны туралы мәлімет жаңарды
Сайт әкімшілігі 09:58
Зейнетақыны Kaspi Gold картасына алу жеңілдей түсті
Ермек МҰҚАНҒАЛИЕВ 09:03
Ұлы даланың болашаққа жеті арманы
Бифат ЕЛТАЕВА 09:02
"Мен қазақ қыздарына қайран қалам"
Қуаныш ЕРМЕКОВА 16.10.2021, 15:38
Балаға қамқорлық - болашағымызға жасалған жақсылық
Нұрай РАХЫМ 16.10.2021, 14:34
«Жасыл Қазақстан» ұлттық жобасынан үміт көп

Аңдатпа


  • Гүлшара Әбдіқалықова «Жас Алаштың» тілшісімен кездесті
    05.10.2021, 11:21
  • Ұлт құндылығының ұлағаты
    14.09.2021, 12:30
  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29