Шымкенттің жаңа әкімін Құдайға теңеді

21.06.2018, 15:42

180

«Whats App» желісінде Шымкенттің жаңа әкімі Ғабидолла ӘБДІРАХЫМОВТЫ Иисус Христосқа теңеген сурет пайда болды.  Құдай бейнелі әкім суретінің астына «Ғабидолланың екінші келуі» деген жазу бар. Сурет авторының кім екендігі белгісіз. Бірақ Әбдірахымовты Шымкентке екінші қайтара әкім болуын өліп қайта тірілген Иса пайғамбарға теңегенін жұрт оншалықты ұната қоймаған сияқты.  Естеріңізге сала кетсек, «Нұр Отан» партиясының хатшысы қызметін атқарып жүрген Ғабидолла Әбдірахымов кеше кешкісін Шымкент қаласының әкімі болып тағайындалды.Республикалық маңызы бар қала мәртебесін алған Шымкенттің жаңа әкімін ұжымымен премьер-министр Бақытжан САҒЫНТАЕВ пен президент әкімшілігінің жетекшісі Әділбек ЖАҚСЫБЕКОВ келіп таныстырды. Бас-аяғы 5 минутқа созылған жиында президенттің тағайындау жөніндегі жарлығы оқылған кезде  залда отырғандар ду қол шапалақтап, ризашылықтарын білдірді.Әбдірахымов Шымкенттің әкімі қызметін 2015 жылдың тамызы мен 2017 жылдың қарашасы аралығында атқарған. Былтыр қарашада оның орнын Нұрлан САУРАНБАЕВ басқан болатын. Сауранбаевтың әзірге қандай қызметке барғаны белгісіз.Шымкенттің әкімі болған жылдары Әбдірахымов туралы ақпарат құралдарында түрлі теңеулер айтылып жүрді. Оны бірде «зың әкім» десе, бірде «әрбір сөзі хитке айналатын әкім» деп жазып жүрді.Әбдірахымов Шымкентке алғаш әкім болып келген 2015 жылы қаланың жаңа даму тұжырымдамасын бекітіп, егер алға қойған жоспарларын орындай алмаса, бес жылдан кейін командасымен қызметтен кетуге уәде берген еді. Әбдірахымовтың әкімдік дәуренінің екінші кезеңінде бұл уәде сақталады ма, егер сақталса,  мерзім 2015 жылдың тамызынан бастала ма, әлде 2018 жылдың маусымынан бастала ма?Бұл жағы әлі белгісіз болып тұр.Фото: Шымкент қаласы әкімдігінің ресми сайтынан және «Whats App» желісінен алынған
Тегтер:

ҰҚСАС ЖАҢАЛЫҚТАР

Нұрай РАХЫМ 22.10.2021, 19:23
Қуатты өңірлерді дамытудың міндеті айқын
Сайт әкімшілігі 22.10.2021, 19:16
QAZFORUM-2021 басталды
Сайт әкімшілігі 22.10.2021, 09:08
Құрметті Қасым-Жомарт Тоқаев
Еңлік АРЫҚБАЙ 21.10.2021, 15:00
Тегің қазақ па?
Еңлік АБАҒАН 21.10.2021, 13:27
Ана мен бала өліміне кім кінәлі?
Сайт әкімшілігі 21.10.2021, 10:50
Nur Otan сайлауалды бағдарламасының 24,8% орындалып үлгерді

Аңдатпа


  • «Ақиқаттың алдаспаны» байқауына қатысыңыз
    19.10.2021, 10:30
  • Гүлшара Әбдіқалықова «Жас Алаштың» тілшісімен кездесті
    05.10.2021, 11:21
  • Ұлт құндылығының ұлағаты
    14.09.2021, 12:30
  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31