Сот реформаларын заңнамалық қамтамасыз етуді Сенат жүзеге асыратын болады

Еркежан АРЫН

16.03.2021, 15:16

339

Сот ісін жүргізудің ашықтығы мен жариялылығы — Қазақстандағы әділ және демократиялық сот төрелігінің процессуалдық кепілдіктерінің аспектісі.

Бүгін Сенатта сот жүйесі туралы заңнаманы одан әрі жетілдіру мәселелері талқыланды. Жоғарғы Соттың басшылығы мен судьялары да конституциялық заңнама, сот жүйесі және құқық қорғау органдары комитетінің отырысына қатысты. Осы салада жүргізілген реформалардың негізгі басымдықтарын бұған дейін ел Президенті Қасым-Жомарт Тоқаев айтқан болатын. Олар депутаттардың заңнамалық бастамаларына негіз болатыны анық. 

Комитет төрағасы Владимир Волков:

— Сот жүйесін реформалауды тиімді жүргізу үшін Парламент сот жүйесін модернизациялауға, сот төрелігінің ашықтығын, сот істерін қараудың тиімділігі мен сапасын арттыруға бағытталған бірқатар заңдар қабылдады. Бүгінгі іс-шара — Сенаттың сот жүйесін реформалауға заңнамалық қолдау көрсету және Мемлекет басшысының Жолдауынан туындайтын міндеттерді шешу бойынша жүргізіп жатқан жұмыстарының логикалық жалғасы, — деді.

Ал Жоғарғы Сот Төрағасы Жақып Асанов мәжілісте жүргізілген жұмыстар туралы пікірімен бөлісті:

— Қазіргі кезде елдің сот жүйесі халықтың сенімін арттыруға және азаматтардың сот төрелігіне, сондай-ақ заңның үстемдігіне қол жетімділігін қамтамасыз етуге бағытталған басым жобаларды іске асыруды жалғастырып жатыр. Сенаторлар тарапынан жүргізіліп жатқан реформаларды уақытылы заңнамалық қолдаудың маңызы зор. 

Кездесуді қорытындылай келе, Комитет төрағасы Владимир Волков Комитет Мемлекет басшысының сот тәуелсіздігін нығайту жөніндегі тапсырмаларын орындау үшін күш-жігерді одан әрі жалғастыратындығына назар аударды.

Адам құқықтары туралы жалпыға бірдей декларацияның 10-бабында «әр адам толық теңдік негізінде өз ісін ашық және әділеттіліктің барлық талаптарын сақтай отырып, тәуелсіз және әділ сот арқылы қарауға құқылы» делінген.

Бүгінгі күні сот төрелігінің ашықтығы судьялардың ғана жеке ісі емес, Қазақстанның мемлекеттік саясатының бағытына айналғалы қашан. Сот өз қызметінің ашықтығын қамтамасыз ете отырып, Қазақстан азаматтарының объективті ақпарат алуға конституциялық құқығын жүзеге асырып қана қоймай, азаматтық қоғам құрылысына үлес қосады, сонымен бірге сот билігінің беделін айтарлықтай күшейтеді, сот жұмысының сапасын арттырады. Соңғы жағдай судья міндетті түрде жария болатын шешім қабылдаған кезде құжаттың мазмұнына, оның сыртқы безендірілуіне, сауаттылығына, стиліне және басқа да маңызды сәттерге аса жауапкершілікпен қарайтындығына байланысты. .

Тегтер:

ҰҚСАС ЖАҢАЛЫҚТАР

Бифат ЕЛТАЕВА 03.12.2021, 11:30
Инстаграмның жетегінде кетпейік
Сайт әкімшілігі 03.12.2021, 10:30
Халыққа бермеудің амалы ма? Зейнетақы жинағын алу: жеткілікті деңгей екі есе өседі
Сайт әкімшілігі 03.12.2021, 08:44
«Әйелдерге қатысты зорлық-зомбылықсыз 16 күн» акциясы өтуде
Сайт әкімшілігі 02.12.2021, 12:44
Kaspi.kz мобильді ақша аударымына байланысты сұрақтарға жауап береді
Сайт әкімшілігі 01.12.2021, 13:00
Шымкентте жалдамалы пәтерден 22 жасар қыздың мәйіті табылды
Айтбала СҮЛЕЙМЕНҚЫЗЫ 01.12.2021, 09:20
Қазақ-түрік лицейлерінің орнын немен толтырамыз?

Аңдатпа


  • 14 мыңнан аса сотталушы босатылады, Сенат рақымшылық заңын қабылдады
    02.12.2021, 15:50
  • Жастармен бірге тыныстайтын басылым
    30.11.2021, 18:08
  • "Жас Алашқа" жазылуды ұмытпаңыз!
    23.11.2021, 10:20
  • Қайта түлеуге қадам басқан Майқұдық
    22.11.2021, 14:03
  • «Жас Алашты» ауыл кітапханасына жаздырып бердім
    16.11.2021, 10:00