Студенттер: «Елбасытану» пәні мүлде қажетсіз

01.07.2019, 19:11

32

Еліміздің ЖОО-дары мен мектеп қабырғаларында «Елбасытану» элективті курсы өткізіледі. Ашық дереккөздердегі мәліметке сүйенсек бұл шара қолға алынғанына 6 жылдай болған. 
Мәселен, бұл курс алғаш рет 2013-2014 жылдары Астанадағы Ж.Жабаев атындағы мектеп-гимназиясы, №50 «Қазғарыш» мектеп-лицейі және № 38 мектептің оқушыларына өткізіле бастаған. Кейіннен, Ақмола облысы Еңбекшілдер ауданы және Аршалы ауданына қарасты Қосшы ауылдық округінде, Алматы облысы Қарасай ауданы Абай мектебінің оқушыларына арнайы дәріс өткізілген.
Ал, Қызылордадағы Назарбаев зияткерлік мектебінде «Н.Назарбаев: өмірі және шығармашылық идеялары» атты семинар-тренинг өткізіліп, онда да келген қонақтарға «Елбасытану» элективті курсының жұмыстары таныстырылған. Айта кетейік, бұл шара Қызылорда қаласындағы Қазақстан Республикасы Тұңғыш Президенті кітапханасының көрме жобасы аясында ұйымдастырылған.
Ал, 2015 жылдың 8-29 қазаны аралығында Ақмола облысындағы № 38 лицей оқушыларына Қазақстан Республикасы Тұңғыш Президенті Музейінің қызметкерлері әзірлеген «Елбасытану» элективті курсы өткізілген.
Шымкент қаласы М.Әуезов атындағы Оңтүстік Қазақстан мемлекеттік университеті де бұл бастамадан шет қалмаған. Ондағы студенттердің айтуынша «Елбасытану» сабағы 1-курста жаппай өткізіледі. Тұңғыш президенттің өмірі жайлы дәріс оқылып, «Елбасытану» кабинетінен кітаптар алып оқуға тапсырмалар берілетін көрінеді. Алайда, студенттер бұл пән өздеріне мүлде қажетсіз деп ойлайды.
Алайда, пікір айтқанмен, аты-жөнін атап жазбауымызды сұрады. Себебі де түсінікті. «Баға алу үшін амал жоқ оқыған» студенттер өз пікірін айтқаны үшін қиын жағдайда қалудан қауіптенеді. 

«Біз бұл пәнді 1-курста  оқыдық. Енді студенттік өмірге үйренісіп жатқан кезіміз. Басқа пәндер сияқты сабақ кестемізге енгізіп қойыпты. „Бұл не үшін керек?“ деп бас қатырмадық, оқи бердік.  Кейіннен оқи келе бізге еш пайдасы жоқ сияқты болып көрінді. Жасыратыны жоқ, басқа студенттер де осыны айтады. Баға алу керек, сол үшін берген тапсырмаларын оқыдық. Бізде Елбасыға арналған  жеке кабинет бар. Сол жерден Н.Назарбаевтың өміріне байланысты кітаптар алып оқуға тапсырма береді. Түсінгенімізді айтып береміз. Осылай 1 семестр өтті», — дейді университет студентінің бірі.


Фото: vlast.kz

Тегтер:

ҰҚСАС ЖАҢАЛЫҚТАР

Арайлым ЕРКЕБАЕВА 30.11.2020, 16:17
Адам өміріне араша түскен полицейлер марапатталды
Сайт әкімшілігі 30.11.2020, 13:59
"ХҚКО-ның санитарлық тораптарында «жағдай» айтарлықтай мәз емес"
Сайт әкімшілігі 30.11.2020, 11:53
COVID-19: 222 адамның жағдайы нашар
Сайт әкімшілігі 30.11.2020, 10:22
Коронавирустан 900-ден астам бала емделіп жатыр
Бифат ЕЛТАЕВА 30.11.2020, 09:56
Туған баласынан безінетіндер неге көбейіп кетті?!
Сайт әкімшілігі 29.11.2020, 17:57
"Nur Otan" партиясының қатарына тағы 1,5 мың қазақстандық қосылды

Аңдатпа


  • "ХҚКО-ның санитарлық тораптарында «жағдай» айтарлықтай мәз емес"
    30.11.2020, 13:59
  • COVID-19: қай өңірлердің "қызыл аймаққа" енгені белгілі болды
    30.11.2020, 13:04
  • Көлік қаққан балалардың құқы аяқ асты таптала бере ме?! (видео)
    29.11.2020, 10:26
  • Оқушының үндеуіне министрліктегілер жауап берді (видео)
    28.11.2020, 17:05
  • Қабырғасы қақыраған құрылыстан қашан құтыламыз?
    28.11.2020, 11:09