Тұрғын үй бағдарламалары мен жұмыс орындары. Jas Otan жастарға қандай уәде береді?

Сайт әкімшілігі

03.09.2020, 12:23

235

«Jas Otan» Жол картасының 216 жобасын жариялады. Онда әрбір өңір, қала және аудан бойынша жастардың негізгі проблемаларын шешуге қатысты нақты шаралар көрсетілген. Қазақстандық жастар аталған құжатпен танысып қана қоймай, сонымен қатар, jasotan.kz және primaries.kz сайттар арқылы өз ұсыныстарын жолдай алады деп хабарлайды «Nur Otan» партиясының баспасөз қызметі.Баспасөз қызметінің хабарлауынша, Партия Лидері Нұрсұлтан Назарбаевтың тапсырмасына сәйкес «Nur Otan» партиясының жас жақтастары қазақстандық жастарды қолдауға арналған «Жастар-Отанға!» 5 жылдық бағдарламасын әзірлеген. Ол үздік әлемдік тәжірибелерді және бүкіл ел бойынша жастардың 3 мыңнан астам ұсынысын ескере отырып дайындалған. Бағдарламада жұмыстың негізгі бағыттары, оның ішінде қолжетімді баспана мен жас отбасыларды қолдау, жұмысқа орналастыру және жұмыспен қамту мәселелері көрсетілсе, ал Жол картасы – бұл нақты күндері мен мақсатты индикаторлары көрсетілген өзіндік шеберлік жоспары.Мәселен, елордада тұрғын үй мәселесін шешумен қатар, дарынды жастарға грант бөлу, спорт нысандарына жеңілдікпен қолжетімділікті кеңейту, ата-анасының қамқорлығынсыз қалған және интернаттан шыққан жастарға қолдау көрсету және т.б. көзделген. Жамбыл облысында 2021 жылдан бастап жас отбасыларға арналған мемлекеттің қатысуымен салынатын тұрғын үй сатып алу үшін «Әулиеата жастары» несиелеу бағдарламасын іске қосу жоспарланып отыр. Жастарды жұмыспен қамту мәселесімен Алматы облысындағы жасотандықтар белсенді айналысуға ниетті. Өңірлік бағдарлама жыл сайын 10 мыңға жуық жасты жұмыспен қамтуға уәде береді.Қостанай облысында бұқаралық спортты дамытуға ерекше көңіл бөлінді. 2025 жылға дейін бағдарламаны іске асыру аясында жасанды жабыны бар 30 шағын футбол алаңы, 10 стритбол алаңы, стрит-воркаут алаңдары, облыстың қалалары мен аудандарында 29 хоккей корты салынбақ. «Жастар-Отанға!» бағдарламасының Жол картасында жастар кәсіпкерлігін дамытуға ерекше назар аударылды. Айталық, Маңғыстау облысында жыл сайын 500 жас «Бастау бизнес» бағдарламасы бойынша өз ісін жүргізуді тегін оқи алады. Сондай-ақ, өңірдің жас кәсіпкерлері үшін несиелер бойынша мөлшерлемелерді төмендету және мемлекеттік субсидияларға қолжетімділікті кеңейту жоспарлануда.Білім беру және тұлғалық өсу саласы өңірлік бағдарламаларда да ескерілген.Тараз қаласында жастар саясаты мектебінің базасында жыл сайын 70 адам тағылымдамадан өтеді. 2023 жылы «SMART» оқу орталығын ашу көзделіп отыр.2025 жылға дейінгі «Жастар-Отанға!» Бағдарламасын жыл соңына дейін бекіту жоспарланған. Оған дейін жоба жастар арасында, оның ішінде «Nur Otan» партияішілік праймериздеріндегі пікірсайыстар аясында талқыланбақ.

Тегтер:

ҰҚСАС ЖАҢАЛЫҚТАР

Сайт әкімшілігі 28.09.2020, 13:50
Қазақстанға құс тұмауын жабайы құстар әкелген болуы мүмкін
Сайт әкімшілігі 28.09.2020, 11:16
Үш мыңға жуық медицина қызметкеріне біржолғы төлем берілді
Сайт әкімшілігі 28.09.2020, 09:34
Өткен тәулікте пневмониядан 1 адам қайтыс болды
Сайт әкімшілігі 26.09.2020, 10:38
Ұшақ құлап, 25 адам қаза тапты
Сайт әкімшілігі 26.09.2020, 10:35
Пневмония: науқастар саны тағы артты
Сайт әкімшілігі 26.09.2020, 10:26
Өткен тәулікте қанша адам коронавирус жұқтырғаны белгілі болды

Аңдатпа


  • Ұлттық банк теңгенің әлсіреуіне қатысты түсінік берді
    28.09.2020, 15:45
  • «Shymkent bike» қызметін пайдаланушылар көбейді
    26.09.2020, 15:01
  • Үш мыңға жуық медицина қызметкеріне біржолғы төлем берілді
    28.09.2020, 11:16
  • Tengri Bank салымшылары кепілдік өтемін қай банктен және қалай алады
    25.09.2020, 10:26
  • Бір тәулікте қанша адам коронавирус жұқтырғаны анықталды
    23.09.2020, 09:43