Зарығып күткенмен әлеуметтік тұрғын үй беріле ме?

Айтбала СҮЛЕЙМЕНҚЫЗЫ

24.02.2021, 16:40

831

Заман өзгергенмен, қарапайым халықтың  баспанаға қажеттілігі азайған емес. Олай дейтініміз, үйге сұраныс білдірген  Қарағандылықтардың қатары жылма-жыл өсіп келеді. Бұған урбанизациялық үдерісінің де әсерін жоққа шығаруға болмас.  Қарағанды облысы бойынша бүгінде 36 мың адам әлеуметтік тұрғын үй кезегінде тұр.   Мұқтаж жандардың алды  пәтерлерін он жылдай сарылып күтеді екен. Бұл орайда, барлық гәп-кезектің мелшиіп тұруында.  Сарапшылар оның ендігі бір  себебін, қалада  көптен бері  тұрғын үй құрылысының жүрмеуімен түсіндіреді. Бұқараның үміті  енді оянғандай. Кеншілер шахарында құрылыс  бір жарым жылдың мұғдарында ілгерлей бастады. Былтыр « Нұрлы жер» бағдарламасы бойынша  530 мың шаршы метр тұрғын үй пайдалануға берілді. Сүйтіп,  үй кезегіндегі 2,5 мың азамат баспанаға қол жеткізді.  Биыл облыста 662 мың шаршы метр тұрғын үйді пайдалануға беру жоспарланып отыр.  Бұл дегеніміз,  кезекте тұрған  2,9 мың тұрғын қоныс тойын өткізеді деген сөз. Облыс әкімінің ақпанның 19 күні  тұрғындар алдындағы есеп беру кезінде әсіресе үй кезегінде тұрған елден  сауалдар көп түсті. Олар әкімнен: «пәтер кезегін қашан бір ретке келтіресіздер?» деп сұрады  Маңызды мәселеге түсінік берген Жеңіс Қасымбек:

-Енді тұрғын үй кезегінде тұрғандар туралы барлық деректер бір жерге біріктіріледі. «Отбасы банкі» базасында тұрғын үймен қамтамасыз ету жөніндегі бірыңғай орталық құрылады. Мұнда кезекте тұрғандар бойынша барлық деректер енгізіледі және тұрғын үй кезекке қойылған күні бойынша бөлінетін болады-деді.

Одан әрі аймақ жетекшісі ауылдық жерлерде тұрғын үй салу кезінде  жұмсалатын  шығындардың бір бөлігін субсидиялауды жоспарланғанын  жеткізді. Осындай мүмкіндік берілген жағдайда, отандық кәсіпкерлерге қолдау көрсетіп,  өзімізді-өзіміз жарылқауымыз керек дегенді ескертті.

– Қалалар мен аудандардың әкімдері жергілікті жерде  қарашаны үймен қамтамасыз етуге баса назар аудару қажет. «Нұрлы жер», «Бақытты отбасы» бағдарламалары дер кезінде  және сапалы жүргізілуі тиіс.  Сондай-ақ, құрылыс барысында  өңірлік төл өнімдерді сатып алуға және қолдануға назар аудару қажет, – деп тапсырды Жеңіс Қасымбек.

Кеншілер шахарында бой көтеріп жатқан баспана  құрылысы көз сүйсіндіреді. Бұл міндеттің  қожайыны   үй кезегін бақылайтындар мен  үлестіретін шенеуніктердің қолында.  Олар  қалай үлестіріледі? Бұйыртса, оны да  алдағы уақытта  біле жатармыз. Қалай болғанда да, үлкен олжадан дәмелі жұрттың  үміті ақталса екен дейміз.

Тегтер:

ҰҚСАС ЖАҢАЛЫҚТАР

Еркежан АРЫН 12:27
Қазақстан – БҰҰ: мүгедектердің құқықтарын қорғау туралы заңнама
Сайт әкімшілігі 11:19
ҚазҰУ-дағы жатақхана құрылысының анық-қанығы
Қарлығаш ЗАРЫҚҚАНҚЫЗЫ 08:40
Бекшин мен Қиясовтың қаулысы елді індеттен құтқара ма?
Еңлік АБАҒАН 04.08.2021, 13:22
Қарасай ауданы: Қоймалжың батпақ пен қою шаң
Нұрболат ӘЛДИБЕК 03.08.2021, 11:01
«Жас Алаштың» 100 жылдығы Жамбылда жалғасты
Қуаныш ӘБІЛДАҚЫЗЫ 03.08.2021, 09:25
«Естімейтін үкімет» пен екпеге сенбейтін халық

Аңдатпа


  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58