«Жас Алаш» тілшісі депутаттың ұлтын қайтарып берді

25.09.2018, 17:11

23

«Жас Алашқа» да алғыс айтатындар бар екен. Дәлірек айтқанда Шығыс Қазақстан облысындағы тілшіміз Сәтжан ҚАСЫМЖАНҰЛЫНЫҢ атына облыстық мәслихат аппаратынан ризашылық білдірген хат келіпті.2018 жылдың 13-ші қыркүйегінде әріптесіміздің «Нұр Отанның» қазағы «орыс» екенін біле ме? деген мақаласы сайтымызға шыққан еді.Автор Шығыс Қазақстан облысы өкілді билігінің ресми сайтындағы қателер жайлы жазған болатын. (deputate.gov.kz) Билік партиясы өкілдерінің мемлекеттік тілге деген бейжайлығы мақалада айтылған еді.Негізі көптеген әкімшілік, министрліктер мен басқа да ведомствалардың бұқарамен жұмыс жасайтын ресми сайттарында мемлекеттік тілге жүрдім-бардым қарайтыны қалыпты жағдайға айналған. Әйтеуір есеп үшін мемлекеттік тілдегі парақшаға қалай болса солай қарай салады.Ал шығыстағы «нұр отандықтар» тіпті әріптесінің ұлтын қате көрсеткендерін өздері де білмеген. Жас Алаш тілшісі жазғанан кейін барып өз ұлттарына оралыпты. Мәселен облыстық мәслихат депутаты Тасболат БИТЕНОВТІҢ ұлты орыс деп көрсетілген. Әріптесіміздің мақаласынан кейін өз сайттарын қарап шыққан қалаулыларымыз қатені түзеткен екен. Оқырмандарымыздың арасында «Нұр Отан» партиясының депутаттары бары бізді қуантады. Алайда, арасында халық үшін ашық ресми сайттарына көз салып қойғандары дұрыс.«Қазіргі уақытта барлық қажетті нақтылаулар түзетулер енгізілді, жауапты қызметкерлермен және техникалық қолдау қызметімен алдағы уақытта мұндай қателерді болдырмау туралы түсіндіру жұмысы жүргізілді. Сізге белсенді ұстанымыңыз үшін алғыс білдіреміз және одан әрі де жемісті жұмыс істейміз деп сенеміз», — деп жазды Шығыс Қазақстан облыстық мәслихаты аппаратының басшысы Азамат ШАЛАБАЕВ.Журналист әсте грамматикалық қателерді түзеуге ықыласты емес. Бірақ мәселе мемлекеттік тілде болып тұр. Сондай-ақ депутаттар өз ұлтын шатастырып жатқанда әріптесіміз нұротандықтарды сайлаушылар алдында түзеп қойғысы келген. Әрине, достық пейілмен!Фото:zhalagash-zharshysy.kz    
Тегтер:

ҰҚСАС ЖАҢАЛЫҚТАР

Сайт әкімшілігі 23.11.2020, 15:58
Нұр-Сұлтан дәмханасындағы жарылысқа қатысты жаңа деректерді жарияланды
Сайт әкімшілігі 23.11.2020, 13:40
Нұр-Сұлтандағы дәмханада болған жарылыс: үш адам жансақтау бөлімінде жатыр
Қарлығаш Зарыққанқызы 23.11.2020, 11:20
«Жас Алаштың» себепкер болуымен көп балалы ана жер алды
Сайт әкімшілігі 23.11.2020, 09:56
Ауыз шаюға арналған сұйықтық коронавирусты емдей ме?
Сайт әкімшілігі 23.11.2020, 09:40
Дәмханадағы жарылыс: кінәлі адамға қатысты қылмыстық іс қозғалды
Сайт әкімшілігі 23.11.2020, 09:18
Бір тәулікте 716 адам коронавирус жұқтырды

Аңдатпа


  • Үгіт-насихат материалдарын "Жас Алашқа" ұсыну тәртібі туралы мағлұмат
    23.11.2020, 18:42
  • Семинарға сенбеңіз, қаржылық сауаттылық туралы оқытқан алаяқ ұсталды
    23.11.2020, 10:49
  • Ауыз шаюға арналған сұйықтық коронавирусты емдей ме?
    23.11.2020, 09:56
  • "Көлігім жоқ болса да қарыз төледім" - салық органдарына шағымданатындар көп
    21.11.2020, 11:05
  • Билбордтардан не пайда, жемқорлар саны азаймаса?
    21.11.2020, 10:52