«Жас Алаштың» себепкер болуымен көп балалы ана жер алды

Қарлығаш Зарыққанқызы

23.11.2020, 11:20

1557

Осыдан тұп-тура сегіз ай бұрын «Жас Алаштың» сайтына Еңбекші қазақ ауданы, Есік қаласында тұратын көп балалы ана Кербез Таутесерова хабарласқан болатын.

Өзінің жолдасы қайтыс болғанын, төрт баламен жалғыз қалғанын, құрсағында бір бала бар екенін айтып, мұңын шаққан Кербездің тағдыры бізді бей-жай қалдырмады. Есік қаласына барып, Кербездің жай-күйімен таныстық та, оның берген ақпаратының ақиқатына көзімізді жеткізіп алып, бірден көмектесуді жөн көрдік. Алдымен  «Жас Алаштың» сайтына «Кербез халықтан көмек сұрайды» деген мақала жарияладық.

Артынша, жолдасының қырық күндік асын бергеннен кейін Кербез бізге Жаркент қаласына туыстарының қасына көшіп бара жатқанын хабарлады. Ол аралықта «Жас Алаштың» араласуымен Кербездің жайынан елге танымал жұлдыздар да қанық бола бастады.

Көп балалы ананың тағдырына алаңдап редакциямызға хабарласқандар да табылды. Еліміздің эстрада жұлдыздарынан,  белгілі әншілерден Кербез жайлы әлеуметтік желіге пост жазып, жариялап беруін сұрадық. Жаркент қаласының әкімдігін Кербездің жайынан құлағдар еттік. Осылайша Кербездің есеп шотына қаражат жинала бастады. Жалпы сомасы 737 000 теңге  (жеті жүз отыз жеті мың) теңге қаражат жиналып, бүгінде көп балалы ана Жаркент қаласынан 13 сотық жер алды.

— Қазір жолдасым қайтыс болғанда құрсағымда қалған баланы өмірге әкелдім. Төрт қыздан кейінгі ұлым дүниеге келді. Бұл да бір  «артында ұрпағы қалды» дегенге медеу болды. Бұдан бөлек мен  «Жас Алашқа» алғысымды білдіремін. Өздеріңіздің себепкер болуларыңызбен, қолдауларыңызбен мен Жакенттен 13 сотық жер алдым. Сіздер әлеуметтік желі арқылы жан-жаққа шығып, менің тағдырымды елге жеткізбесеңіздер, мені кім тыңдар еді?! Ендігі мақсат сол жерге баспана салсам деймін. «Жас Алаш» жақсылықтың жаршысы бола берсін,-дейді Кербез Таутесерова.

Кербез айтып отырғандай, жер алудың өзі бес баламен пәтер жағалап жүрген адамға үлкен демеу болды. Біз де өз кезегімізде көп балалы ана, бес баланы жалғыз өсіріп отырған қам көңіл Кербезге сәттілік тіледік.

Бұл отбасының ахуалы алдағы уақытта да «Жас Алаштың» бақылауында болатынын айта кеткіміз келеді. Біз қазірде бірқатар қайырымдылық қорларына, жекелеген меценаттарға да Кербездің жайын жеткіздік. Отбасына әлі де көмек қажет. Себебі отбасы бес балаға асыраушысынан айырылғанына байланысты үкіметтен берілетін жәрдемақымен ғана күнелтіп отыр.

Тегтер: көп балалы ана жалғызбасты ана қолдау қамқорлық көмек

ҰҚСАС ЖАҢАЛЫҚТАР

М.СӘУЛЕБЕК 30.07.2021, 12:14
«Қайтыс болғандардың ешқайсысы екпе алмаған»
Сайт әкімшілігі 30.07.2021, 11:34
Вирус жұқтырғандардың саны 7778-ге жетті
Дайындаған Айдын ОЛЖАЕВ 30.07.2021, 09:00
Ей, енді не істейміз?
Дарын ЗАМАНБАЙ 29.07.2021, 08:41
Жалқау қазақтың ғалымдары да жалқау болды
Еркежан АРЫН 28.07.2021, 08:45
Заң көмегінің сапасы артуда
Сайт әкімшілігі 26.07.2021, 14:54
Нұр-Сұлтанда жаңа қаулы күшіне енді

Аңдатпа


  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58
  • Ташкенттен «Жас Алаш» газетінің түпнұсқасы табылды (видео)
    07.07.2021, 13:15