Қырғыз вице-премьері: Қазақ-қырғыз шекарасында 300-400 жүк көлігі кептелісте тұр

05.06.2020, 07:41

24

Қазақ-қырғыз шекарасындағы «Ақ тілек» бақылау өткізу пунктінде бірнеше күннен бері 300-400 жүк көлігі кептелісте тұр. Бұл туралы Қырғызстанның вице-премьері Эркин Асрандиев мәлімдеді. Көлік кептелісінің ұзындығы шамамен он шақырымды құрайды.

"Қазақстанмен шекарада ұзақ уақыттан бері қиындықтар бар. Былтырдан бері жағдай нашарлады. Соңғы апталарда тіпті ушығып кетті. Қазір 300-400 көліктің кептелісте тұрғанына бірнеше күн болды" деді вице-премьер Эркин Асрандиев.

Ол Қазақстан жағының көліктерді өте баяу өткізіп жатқанын айтқан.

«Мен Қазақстаннан Қырғызстанға жүргізушілерді өткізу тәртібімен танысып шықтым. Төлқұжат бақылауы, медицина қызметкерлерінің анкеталық дерек жинауы, вирустың бар-жоғын тексеру үшін анализ тапсыру және әрі қарай жүк тасымалдаушы Қырғызстан аумағында тест нәтижесін күтеді. Елден шығу тәртібі де қиын емес. Ал қазақ жағында бәрі ақырын жүріп жатыр» деді Асрандиев.

Кейбір ақпарат құралдарының хабарлауынша, Қазақстан аумағына өту мамыр айында қиындаған. Жүргізушілер аптап ыстықта тауарларын аман-есен жеткізу жолын іздеп жатыр.

Қырғызстанның мемлекеттік шекара қызметі баспасөз қызметінің хабарлауынша, Қазақстанға қазір тек екі бақылау өткізу пункті арқылы ғана өтуге болады: «Ақ тілек» және «Чон-Капка». Бұл да кептелістің пайда болуына әсер етеді. Қазақстанға өтетін жүк көліктері дезинфекцияланып, жүргізушілер коронавирусқа тест тапсырады.

Әзірге Қазақстан жағы түсініктеме берген жоқ.

Оқи отырыңыз: Қазақстан "Қытайдан келетін заңсыз тауардың көбейгенін" Бішкектен көреді

Эркин Асрандиев қырғыз билігінің ЕАЭО деңгейінде мәселені шешуге тырысып жатқанын айтқан.

Қазақ-қырғыз шекарасында көлік кептелесі жиі болып тұрады. Былтыр Қазақстан мен Қырғызстан шекарасындағы өткізу бекеттерінде бірнеше рет көлік кептелісі пайда болып, жүздеген көлік тұрып қалған. Бішкек «шекарадағы тексеру Еуразия экономикалық одағының талаптарына қайшы» деп мәлімдеді. Нұр-Сұлтан мұны жоққа шығарған.

Тегтер:

ҰҚСАС ЖАҢАЛЫҚТАР

Аңдатпа


  • Нұр-Сұлтанда тағы бір қоғамдық орында жарылыс болды
    09:13
  • Коронавирус 2003 жылы өршіген бе, ақиқаты қайсы?!
    11:11
  • «Утемисов», «Датулы», «Клышев» көшелерінде тұрамыз
    30.11.2020, 14:35
  • "ХҚКО-ның санитарлық тораптарында «жағдай» айтарлықтай мәз емес"
    30.11.2020, 13:59
  • COVID-19: қай өңірлердің "қызыл аймаққа" енгені белгілі болды
    30.11.2020, 13:04