16 айыпталушы, 1500 жәбірленуші. Арыстағы жарылысқа байланысты сот басталды

11.06.2020, 10:26

21

11 маусымда Шымкенттегі Сәуле шағын ауданында орналасқан №35748 әскери бөлімінде Түркістан облысы Арыс қаласындағы әскери бөлім қоймасындағы жарылыс бойынша сот отырысы басталды. Істі Шымкент әскери гарнизонының соты қарап жатыр. Бұл туралы оқиға орнында жүрген Азаттық тілшісі хабарлады.

Былтыр маусым айында Арыс қаласындағы әскери бөлімнің оқ-дәрі қоймасы жарылып, 3 адам қаза болып, ондаған адам жарақаттанған болатын. Мыңдаған үйге зақым келіп, Арыстың 40 мыңнан астам тұрғыны Шымкент қаласы мен төңірегіндегі елдімекендерге эвакуацияланған еді.

Арыстағы жарылыс бойынша сотқа журналистерді кіргізбеді. Шымкент, 11 маусым 2020 жыл. /> Арыстағы жарылыс бойынша сотқа журналистерді кіргізбеді. Шымкент, 11 маусым 2020 жыл.

Сот өтуі тиіс әскери бөлімге тізіммен кіргізіп отырған қызметкерлердің сөзінше, сотта жәбірленуші деп 1500 адам танылған. Сот процесіне 150 адам кірген.

Орын жоқ болғандықтан сыртта отыз шақты адам тұр. Олардың ішінде сот процесіне шақырылмаған, бірақ жарылыстан зардап шеккен адамдар да бар.

Сыртта сот процесіне кіргізуді сұрап тұрғандардың айтуынша, арада бір жылға жуық уақыт өтсе де жарылыстан қираған, құлаған мүліктері қалпына келтірілмеген. Келген шығын өтелмеген.

— Жеке өзім құрылысы бітпеген жүз үйді көрсетіп бере аламын. Шығыны өтелмеген кәсіпкерлер бар. Шымкентке не үшін келіп тұрмыз? Тойға ма, концертке ме? Ары-бері жүрудің өзіне жолақымыз жоқ. Зейнетақымыздан жырып кетіп отырмыз. Үкіметтен, билік басындағылардан осы процес Арыста өтсін деген талабымыз бар, — дейді Арыс қаласының тұрғыны Асатулла Сүтбаев.

Сот процесіне келген журналистердің тізімін әскери қызметкерлер жазып алғанымен, ішке кіргізілмеді.

Шымкент гарнизонының әскери сотының дерегінше, сотта 16 адам айыпталушы деп танылған. Олардың арасында Арыс қаласындағы әскери бөлім қызметкерлері, қорғаныс министрлігінің жоғары лауазымды офицерлері де бар. Алты айыпталушы сотқа Нұр-Сұлтан қаласынан онлайн режимде қатысады.

Айыпталушылардың үстінен Қылмыстық кодекстің «Қызметке салғырт қарау», «Қару-жарақпен, сондай-ақ айналадағыларға қауіп төндіретін заттармен және нәрселермен жұмыс істеу қағидаларын бұзу» бабы бойынша түрлі айыптар тағылған. Іс 448 томнан тұрады.

/* Instagram*/ #gr-961-i { outline:1px solid #DEE1E2; height: 73px; padding: 0px 10px; margin-bottom: 15px; float: none; } #gr-961-i img { width:130px; } #gr-961-i:hover { outline:2px solid #d93175; } #gr-961-i .text { margin-right: 20px; text-align: center; } #gr-961-i span { color: #d93175; } #gr-961-i p { font-size: 21px; margin:0; color: #7C858D; line-height: 1.2; }

Instagram бізге жазылыңыз

Тегтер:

ҰҚСАС ЖАҢАЛЫҚТАР

Аңдатпа


  • "ХҚКО-ның санитарлық тораптарында «жағдай» айтарлықтай мәз емес"
    30.11.2020, 13:59
  • COVID-19: қай өңірлердің "қызыл аймаққа" енгені белгілі болды
    30.11.2020, 13:04
  • Көлік қаққан балалардың құқы аяқ асты таптала бере ме?! (видео)
    29.11.2020, 10:26
  • Оқушының үндеуіне министрліктегілер жауап берді (видео)
    28.11.2020, 17:05
  • Қабырғасы қақыраған құрылыстан қашан құтыламыз?
    28.11.2020, 11:09