ДДСҰ: Коронавирустың тарауы күшейіп барады

03.07.2020, 03:00

7

Дүниежүзілік денсаулық сақтау ұйымы коронавирус пандемиясының бұрынғыдан қарқындырақ тарап жатқанын айтты. Ұйымның мәліметінше, қазір әлемде күн сайын 160 мыңнан астам адамнан коронавирус анықталып жатыр. АҚШ-та вирус жұқтырғандардың тәуліктік көрсеткіші алғаш рет 50 мыңнан асты. Елде COVID-19 ауруына шалдыққандар 2,7 миллионға жетті.

Джонс Хопкинс университетінің дерегінше, 1 шілдеде коронавирус АҚШ-та 52 мың адамнан анықталған. Індеттің қарқынды тарауы жергілікті билікті дәмханалар мен жағажайларды жабуға итермеледі. 4 шілдедегі Тәуелсіздік күнін тойлауға дайындалып жүрген америкалықтар бұл жаңалықты көңілсіз қабылдады. Эпидемияның тарауын бақылауда ұстап отырған кей штаттар қоғамдық орындарын ашуды кейінге қалдырды.

1 шілде күні АҚШ-та 700 COVID-19 өлімі тіркелді. Аурудан қайтыс болғандардың саны 128 мыңнан асты.

Эпидемия күшейген тұста АҚШ COVID-19 ауруынан жазылуды жылдамдатуы мүмкін деген оймен Эбола вирусына қарсы қолданылатын “Ремдесивир” дәрісінің әлемдегі барлық дерлік қорын сатып алды деседі. АҚШ-тың бұл қадамы халықаралық эксперттер қауымдастығының алаңдаушылығын тудырды. Дәрінің жаңа партиясы тек күзде ғана дайын болады, қалған елдердің бәрі сол уақытқа дейін күтуге мәжбүр.

Ал вирустың тарауы бойынша АҚШ-тан кейін екінші орында тұрған Бразилияда COVID-19 өлімі 60 мыңға жетті. Мексика денсаулық сақтау министрлігінің елде 28 мың адамның коронавирустан өлгенін хабарлады. Яғни Мексика бұл көрсеткіш жөнінен бір-екі ай бұрын пандемияның тарауы бойынша әлемді дүрліктірген Испаниядан озып кетті.

Тегтер:

ҰҚСАС ЖАҢАЛЫҚТАР

Аңдатпа


  • 100 жастағы әжей пневмониядан жазылып шықты
    20.09.2020, 14:39
  • Көлік кептелісінен құтылар күн бар ма?
    18.09.2020, 14:27
  • Емханаға тіркелу науқаны басталды
    18.09.2020, 14:13
  • Мегаполистің білім саласы автоматтандырылды
    20.09.2020, 13:46
  • Интернетте балаларға қауіпті тағы бір ойын пайда болды
    20.09.2020, 13:34